ខេត្តស្វាយរៀង៖ បុរសម្នាក់លើកដែកប៉ះខ្សែកាបអគ្គីសនីឆក់ធ្លាក់ពីលើដំបូលផ្ទះរងរបួសធ្ងន់បង្កការភ្ញាក់ផ្អើលដល់មិត្តរួមការងារនិងម្ចាស់ផ្ទះប្រញាប់ប្រញាលដឹកយកមកសង្គ្រោះនៅមន្ទីរពេទ្យ។
ហេតុការណ៍នេះបានកើតឡើងកាលពីវេលាម៉ោង១០និង២០នាទីព្រឹក
ថ្ងៃទី២៩ខែមិថុនាឆ្នាំ២០២២មានស្ថិតនៅត្រង់ចំណុចភូមិព្រៃម្នាស់ ឃុំសំឡីស្រុកកំពង់រោទិ៍។
នគរបាលស្រុកបានឲ្យដឹងថាបុរសរងគ្រោះមានឈ្មោះសុខ សុផលអាយុ៤១ឆ្នាំមុខរបរជា
ងផ្សាដែក មានទីលំនៅភូមិព្រៃម្នាស់ ឃុំសំឡីស្រុកកំពង់រោទិ៍។
ចំណែកម្ចាស់ផ្ទះមានឈ្មោះទុន ម៉ុកវិទូភេទប្រុស អាយុ៤៦ឆ្នាំមុខរបរកសិករ រស់ក្នុងភូមិឃុំកើតហេតុខាងលើ។
បើតាមសក្សី បានឲ្យដឹងថាមុនពេលកើតហេតុបុរសរងគ្រោះបានឡើងលើដំបូលផ្ទះដើម្បីផ្សារដែកផ្ទះអ្នកភូមិដូចរាល់ដង ខណះនោះក៏បានលើកដែកវែងហើយប៉ះនិងខ្សែកាបអគ្គីសនីរបស់រដ្ឋដែលនៅក្បែនោះបណ្ដាលអោយឆក់ហើយធ្លាក់ពីលើដំបូលផ្ទះមកដីរងរបួសធ្ងន់បង្កការភ្ញាក់ផ្អើលដល់មិត្តរួមការងារនិងម្ចាស់ផ្ទះប្រញាប់ប្រញាលជួយសង្គ្រោះនិងដឹកយកទៅកាន់មន្ទីរពេទ្យបង្អែកខេត្តស្វាយរៀងភ្លាមៗផងដែរ។
បច្ចុប្បន្នបុរសរងគ្រោះកំពុងសំរាកព្យាបាលនៅមន្ទីពេទ្យខេត្តស្វាយរៀងដោយមានអាការៈធ្ងន់ធ្ងរនៅឡើយ៕
ដោយ៖ សុថាន
