ភ្នំពេញ៖ ម៉ូតូសង់សេ១២៥ បើកដោយបុរសម្នាក់ក្នុងទិសដៅបញ្ច្រាស់ទិសដៅចរាចរណ៍ ហើយបានឆ្លងទៅបុកម៉ូតូគុបជ្រុងពេញទំហឹងបណ្តាលបុរសជិះម៉ូតូសង់បាក់ជើងខាងស្តាំ។
ហេតុការណ៍នេះបានកើតឡើងកាលពីវេលាម៉ោង ១០យប់ថ្ងៃទី ៩ ឧសភា ២០១៦ នៅតាមបណ្តោយផ្លូវសហព័ន្ធរ៉ុស្សី ចំណុចដងនង្គ័ល ស្ថិតក្នុងភូមិក្បាលដំរី សង្កាត់កាកាប ខណ្ឌពោធិសែនជ័យ។
តាមប្រភពពីកន្លែងកើតហេតុ បានអោយដឹងថា នៅមុនពេលកើតហេតុ គេឃើញម៉ូតូសង់សេ១២៥ពណ៍ខ្មៅ1BE-5967 ឌុបគ្នា២នាក់បើកចេញពីផ្លូវសពវៀតណាមឡើងមកផ្លូវសហព័ន្ធរ៉ុស្សី ទិសដៅពីលិចទៅកើត ច្រាស់ទិសចរាចរណ៍ ហើយឆ្លង ខណះនោះក៏មានបុរសម្នាក់បើកម៉ូតូម៉ាកគុបជ្រុងពណ៍ស្លែពាក់ស្លាកលេខ ឃ ៤៧២១ កណ . ទិសដៅពីកើតទៅលិចលុះមកដល់ចំណុចកើតហេតុ ម៉ូតូសង់សេ១២៥ បន្ថែមល្បឿនឆ្លងផ្លូវក៏ជ្រុលទៅបុក ចំពីមុខពេញទំហឹង បណ្តាលអោយបុរសជាអ្នកបើកម៉ូតូសង់ រងរបួសបាក់ជើងស្តាំ ហើយត្រូវបានមិត្តដែលជិះតាមមកពីក្រោយដឹកតាមម៉ូតូទៅមន្ទីរពេទ្យ ចំណែកអ្នកជិះពីក្រោយនិងបុរសដែលបើកម៉ូតូគុបជ្រុងរបួសស្រាល ។
ក្រោយពេលកើតហេតុ សមត្ថកិច្ចជំនាញទៅវាស់វែងយកម៉ូតូទាំង២គ្រឿងទៅរក្សាទុកនៅ ផ្នែកចរាចរណ៍ខណ្ឌពោធិសែនជ័យដើម្បីរងចាំការដោះស្រាយគ្នា៕
ដោយ៖ សុខាសែនជ័យ
