ភ្នំពេញ៖  ជនសង្ស័យ២នាក់ធ្វើសកម្មភាពឆក់ទូរស័ព្ទដៃមិនបានសម្រេច រត់មិនរួចត្រូវកម្លាំងអាវុធហត្ថឃាត់ខ្លួនបានភ្លាមៗ កាលពីវេលាម៉ោង៧ និង៣០នាទីយប់ថ្ងៃទី៩ ខែឧសភា ឆ្នាំ២០១៦ នៅចំណុចផ្លូវលេខ២១៤ កែងផ្លូវ៩៣ ស្ថិតក្នុងសង្កាត់បឹងព្រលឹត ខណ្ឌ៧មករា។

ជនសង្ស័យមានទី១ឈ្មោះ- គួច សៀវភីង អាយុ១៨ឆ្នាំ មុខរបរបុគ្គលិក នៅសណ្ឋាគារធីហាវ ផ្នែក សំណាត មានទីលំនៅផ្ទះលេខ១៥០អឺហ្សេរ៉ូ ផ្លូវលេខ ៦៣ សង្កាត់ចតុមុខ ខណ្ឌដូនពេញ ទី២ឈ្មោះ- ផុន ចាន់ធូ អាយុ២៥ឆ្នាំ មុខរបរពុំពិតប្រាកដ មានទីលំនៅម្ដុំសង់លីហ្សេ ខណ្ឌចំការមន ។ វត្ថុតាងដកហូត មាន៖- ម៉ូតូ០១ គ្រឿងម៉ាកស៊ុយស៊ួគីលេត ( SUZUKI Lets ) ពណ៌ស បឹតស្កុតពណ៌ខ្មៅ ពាក់ស្លាកលេខ ភ្នំពេញ 1BZ-6214 ។

សមត្ថកិច្ចបានប្រាប់ថា មុនពេលកើតហេតុ បានលឺសំឡេងស្រែកថាចោរៗ ពេលនោះកម្លាំងល្បាតរបស់ អហ ៧/១ ក៏បានចេញប្រតិបត្តិការតាមដេញចាប់ជនសង្ស័យទាំង២នាក់។ សមត្ថកិច្ចបន្តថា ក្រោយមកជនសង្ស័យទាំង២នាក់មានការភ័យពេកក៏បើកម៉ូតូបណ្តាលឲ្យដួល ទើបកម្លាំងយើងឃាត់ខ្លួនបានតែម្ដង ។

បច្ចប្បន្នជនសង្ស័យទាំង២ និងម៉ូតូ១គ្រឿង ត្រូវបានបញ្ជូនទៅកាន់ការិយាល័យព្រហ្មទណ្ឌអាវុធហត្ថ ភ ព ដើម្បីអនុវត្តតាមនីតិវិធីបន្ត ៕

ដោយ៖ ស រស្មី