ខេត្តកោះកុង៖ មានគ្រោះថ្នាក់ចរាចរណ៍មួយករណីកើតឡើងរវាងរថយន្តឡង់រ៉ូវែមួយគ្រឿងនិងម៉ូតូមួយគ្រឿងបុកប៉ះគ្នានៅកំណាត់ផ្លូវជាតិលេខ៤៨ ម្តុំផ្លូវបំបែកចូលទៅឃុំថ្មស ក្នុងស្រុកបុទុមសាគរកាលពីថ្ងៃទី១១ឧសភា ឆ្នាំ២០១៦នេះ។

នេះបើតាមការបញ្ជាក់ពីនគរបាលស្រុកបុទុមសាគរខេត្តកោះកុងអោយដឹងថាៈ​ ម្ចាស់រថយន្តជាម្ចាស់សណ្ឋាគារនិងផ្សារម៉ាតCentral(ហៅកោះតាគៀវ )ក្រុងព្រះសីហនុ បានធ្វើដំណើរទិសដៅចូលខេត្តកោះកុង ដើម្បីបន្តចូលទៅកាន់ប្រទេសថៃ ហើយអ្នកជិះក្នុងរថយន្តទាំងអស់មិនមានអ្នករងរបួសធ្ងន់ធ្ងរឬប៉ះពាល់ដល់អាយុជីវិតទេ បើទោះជាក្រោយបុកប៉ះរថយន្តបានធ្លាក់ចេញពីផ្លូវយ៉ាងណាក្តី ។ ចំណែកបុរសម្នាក់អ្នកបើកបរម៉ូតូសមត្ថកិច្ចប្រាប់ថារងរបួសបាក់ជើងធ្ងន់ធ្ងរ។

គេនៅពុំទាន់ដឹងថាគ្រោះថ្នាក់ចរាចរណ៍នេះ ដើមហេតុមកពីភាគីណាមួយជាអ្នកបង្កឡើយ ដែលតាមសមត្ថកិច្ចអះអាងថាកំពុងស្រាវជ្រាវបន្ត៕​

ដោយ៖​ សហការី