ក្លិបតោខៀវ Chelsea បានឈានដល់កិច្ចព្រមព្រៀងដើម្បីចុះហត្ថលេខាលើកីឡាករវ័យជំទង់ Carney Chukwuemeka របស់ក្លិប Aston Villa ក្នុងតម្លៃ២០លានផោន។

ខ្សែបម្រើវ័យ១៨ឆ្នាំរូបនេះបានចាកចេញពីដំណើរប្រកួតមុនរដូវកាលរបស់ Aston Villa ទៅកាន់ប្រទេសអូស្ត្រាលី បន្ទាប់ពីបដិសេធមិនចុះហត្ថលេខាលើកិច្ចសន្យាថ្មីដែលនឹងផុតកំណត់នៅរដូវក្តៅក្រោយ។

Chukwuemeka ដែលបានលេងឱ្យក្រុមអង់គ្លេសក្នុងពានរង្វាន់ជើងឯកអឺរ៉ុបអាយុក្រោម១៩ឆ្នាំ កាលពីខែមុនបានបង្ហាញខ្លួន១២ប្រកួត Premier League សម្រាប់ក្រុម Aston Villa កាលពីរដូវកាលមុន។

 គាត់នឹងក្លាយជាកីឡាករទី៣របស់ Chelsea នៅរដូវក្តៅនេះ ខណៈដែលក្លិបយក្ស Barcelona នៅ La Liga ម្ចាស់ជើងឯកSerie A ក្លិប AC Milan និងក្លិប Bundesliga Borussia Dortmund សុទ្ធតែមានទំនាក់ទំនងជាមួយ Chukwuemeka។

 កិច្ចព្រមព្រៀងរបស់ក្លិប Chelsea លើកនេះអាចត្រូវបានគេមើលឃើញថា ជាការប្រមាញ់ភ្លាមៗ ខណៈដែលគាត់គឺជាអនាគតដ៏ភ្លឺស្វាងបំផុតរបស់ Premier League ។

 ក្រុមតោខៀវ និង Aston Vill បានបញ្ជាក់ថា Chukwuemeka ត្រូវបានអនុញ្ញាតឱ្យធ្វើដំណើរទៅកាន់ទីក្រុងឡុងដើម្បីពិភាក្សាអំពីលក្ខខណ្ឌផ្ទាល់ខ្លួន និងទទួលការពិនិត្យសុខភាព។ នេះ បើ តាម ការ លើក ឡើង របស់ លោក Steven Gerrard គ្រូ បង្វឹក ក្លិបAston Villa

 កាល ពី ខែ មុន កីឡាករ រូប នេះ មិន បាន ចុះ ហត្ថលេខា លើ កិច្ច សន្យា ថ្មី មួយ ដែល “បាន ស្ថិត ក្នុង កន្លែង មួយ រយៈ ពេលឥឡូវ នេះ” បន្ទាប់ ពី បាន ចាក ចេញ ពី ការ ប្រ កួត ។

Chelsea បាននាំយកកីឡាករជម្រើសជាតិអង់គ្លេស Raheem Sterling ពី Manchester City ក្នុងតម្លៃ ៥០លានផោន និងខ្សែការពារសញ្ជាតិសេណេហ្គាល់ Kalidou Koulibaly ពី Napoli ក្នុងតម្លៃ៣៤លានផោន។

 គ្រូបង្វឹកក្រុម Chelsea លោក Thomas Tuchel នៅតែចង់ពង្រឹងក្រុមបន្ថែមទៀត។ គាត់ចាប់អារម្មណ៍ក្នុងការចុះហត្ថលេខាលើកីឡាករ Marc Cucurella បន្ទាប់ពី Brighton បានបញ្ចប់ការពិភាក្សាជាមួយ Manchester City ជុំវិញការលក់ខ្សែការពារឆ្វេងសញ្ជាតិអេស្ប៉ាញ ៕ (រូបភាព ៖ BBC Sport)