ភ្នំពេញ ៖ រថយន្តបាឡែនមួយគ្រឿង ដែលម្ចាស់បើកបរដោយខ្វះការប្រុងប្រយ័ត្ន បានជ្រុលទៅកៀរម៉ូតូមួយគ្រឿងបណ្តាលឲ្យបុរសម្នាក់រងរបួសស្រាល កាលពីវេលាម៉ោង៩ព្រឹកថ្ងៃទី២៥ ខែកក្តដា ឆ្នាំ២០១៥ កំណាត់មហាវិថីព្រះនរោត្តម សង្កាត់ទន្លេបាសាក ខណ្ឌចំការមន ។
បើតាមសាក្សីពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តបាឡែន ពាក់ស្លាក់លេខ ភ្នំពេញ 2T-8692 ពណ៍ទឹកប្រាក់ បើកបរដោយជនជាតិចិនម្នាក់ បានបត់ចូលហ្គារ៉ាស់សាំងសូគិមិក ដោយខ្វះការប្រយត្ន័មិនបានមើលមុខក្រោយ ក៏បានជ្រុលទៅប៉ះកៀរម៉ូតូមួយគ្រឿងម៉ាក វេវ ពណ៌ខ្មៅ ពាក់ស្លាកលេខ ភ្នំពេញ 1CD-4287 បណ្តាលឲ្យដួល ហើយម្ចាស់រងបួសស្រាល ។
ក្រោយពីកើតហេតុ ភាគីទាំង២បានសម្របសម្រួលគនានៅនឹងកន្លែងកន្លែងកើតហេតុ ដោយរថយន្តបង្ក ព្រមសងការខូចខាតជាទឹកប្រាក់ ២០ដុល្លារទៅខាងភាគីម៉ូតូ ដើម្បីបញ្ចប់រឿង ៕ វិបុល
