ភ្នំពេញ​៖​ បុរស២នាក់ត្រូវបានសមត្ថកិច្ចចាប់វាយខ្នោះបន្ទាប់ពីបេីករថយន្តបង្កគ្រោះថ្នាក់ឱ្យមនុស្សរងរបួសហេីយថែម
ទាំងប្រេីហិង្សាដាក់សមត្ថកិច្ចទៀតផង។
ហេតុការណ៍​នេះបង្កការភ្ញាក់ផ្អេីលកាលពីវេលាម៉ោង១០និង៣០នាទីយប់ថ្ងៃទី១៧ ខែសីហា ឆ្នាំ២០២២ នៅចំណុចភ្លើងស្តុបវត្តនាគវ័ន ស្ថិតនៅក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។

តាមប្រភពព័ត៌មានបានឱ្យដឹងថា មុនពេលកេីតហេតុកម្លាំងសមត្ថកិច្ចកំពុងល្បាតក្នុងមូលដ្ឋានក៏បានប្រទះឃេីញរថយន្តម៉ាកឡិចស៊ីស ពណ៌ស​ ពាក់ស្លាកលេខភ្នំពេញ2BJ-6184 បេីកបរដោយបុរសម្នាក់និងមានបុរសម្នាក់ទៀតរួមដំណេីរជាមួយបានបេីកបុកម៉ូតូម៉ាកឃ្លីកមួយគ្រឿងពាក់ស្លាកលេខកំពង់ចាម1AB- 9639 បេីកបរដោយបុរសម្នាក់បណ្តាលឱ្យអ្នកបើកម៉ូតូរងរបួសហើយភ្លាមៗនោះអ្នកបើករថយន្តបង្កហេតុមិនព្រមឈប់នោះទេគឺព្យាយាមបើកគេចខ្លួន ទេីបសមត្ថកិច្ចប្រដេញតាមឃាត់រថយន្តបាន ស្រាប់តែអ្នកបេីកបររថយន្តចុះមកវាយសមត្ថកិច្ចទេីបសមត្ថកិច្ចចាប់វាយខ្នោះតែម្តង។
ក្រោយកេីតហេតុជនបង្កនិងរថយន្តរួមទាំងម៉ូតូត្រូវបានបញ្ជូនទៅអធិការដ្ឋាននគរបាលខណ្ឌទួលគោកដេីម្បីចាត់ការតាមច្បាប់៕

ដោយ៖សុខាសែនជ័យ