ខេត្តបាត់ដំបង៖ បេីយោងតាមប្រភពព័ត៍មានពីរបាយការណ៍របស់ស្នងការដ្ឋាននគរបាលខេត្តបាត់ដំបង បានឱ្យដឹងនៅរសៀលថ្ងៃព្រហស្បតិ៍ទី១៨ ខែសីហា ឆ្នាំ២០២២នេះថា៖ លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹកនាំកម្លាំងផ្នែកនគរបាលយុត្តិធម៌ រួមជាមួយកម្លាំងប៉ុស្តិ៍នគរបាលរដ្ឋបាលបារាំងធ្លាក់ នៃអធិការដ្ឋាននគរបាលស្រុកភ្នំព្រឹក អនុវត្តដីកាបង្គាប់ឱ្យនាំខ្លួនជនត្រូវចោទចំនួន ០២នាក់ តាមដីការបស់ចៅក្រមស៊េីបសួរសាលាដំបូងខេត្ត នៅវេលាម៉ោង ៩ព្រឹកមិញនេះ នៅចំណុចប៉ុស្តិ៍នគរបាលរដ្ឋបាលបារាំងធ្លាក់ ស្ថិតក្នុងភូមិ ចំការស្រូវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
យោងតាមរបាយការណ៍របស់អធិការដ្ឋាននគរបាលស្រុកភ្នំព្រឹក បានឱ្យដឹងថា ដោយអនុវត្តដីកាបង្គាប់ឱ្យនាំខ្លួន លេខ៥២២តព្រ និងដីកាលេខ ៥២៣តព្រ ចុះថ្ងៃទី១០ ខែ សីហា ឆ្នាំ ២០២២ របស់លោក ឡូយ ចាន់ត្រា ចៅ ក្រមស៊េីបសួរ នៃសាលាដំបូងខេត្តបាត់ដំបង ដោយ បង្គាប់ឱ្យនាំខ្លួន ជនសង្ស័យចំនួន០២នាក់គឺ៖ ១-ឈ្មោះ ពិន រុន ភេទប្រុស អាយុ ៣៦ឆ្នាំ
២-ឈ្មោះ បឿន បាន ភេទប្រុស អាយុ៣៨ឆ្នាំដែលជនសង្ស័យទាំងពីរនាក់ មានទីលំនៅភូមិ អូរជ្រៃ ឃុំបារាំង ស្រុកភ្នំព្រឹក ខេត្តបាត់ដំបង ត្រូវបានចោទប្រកាន់ពីបទ ហិង្សាដោយចេតនា មានស្ថានទម្ងន់ទោស និងធ្វេីឱ្យខូចខាត ដោយចេតនា ប្រព្រឹត្តនៅចំណុចភូមិអូរជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង កាលពីថ្ងៃទី ២៤ ខែធ្នូ ឆ្នាំ២០ ២០ ។
បច្ចុប្បន្នជនត្រូវចោទទាំងពីរនាក់ខាងលើ សមត្ថកិច្ចនគរ បាលស្រុកបានប្រគល់ជូនការិយាល័យនគរបាល ព្រហ្មទណ្ឌកំរិតធ្ងន់នៃ ស្នងការដ្ឋាននគរបាលខេត្តបាត់ដំបងដើម្បីចាត់ការតាមនីតិវិធីច្បាប់ ៕
ដោយ៖សហការី
