ខេត្តបាត់ដំបងៈ សមត្ថកិច្ចកម្លាំងកងរាជអាវុធហត្ថបានឃាត់ខ្លួនយុវជនម្នាក់ពាក់ព័ន្ធ ករណីជួញដូរ ចែកចាយ ដោយខុសច្បាប់នូវសារធាតុញៀនកាលពីម៉ោង ១៣,០០នាទីរសៀលនា ថ្ងៃទី១៤ ខែឧសភា ឆ្នាំ២០១៦។
ការឃាត់ខ្លួនធ្វើឡើង បន្ទាប់ពីធ្វើការឆែកឆេលំនៅដ្ឋានជនសង្ស័យឋិតនៅភូមិហៃសាន ឃុំជ្រៃ ស្រុកថ្មគោល និងបានរកឃើញនូវ ថ្នាំញៀនម្សៅក្រាមព័ណ៌ស ចំនួន ០៦កញ្ចប់ ទម្ងន់ ៣៧៨,២១ក្រាម ម៉ូតូ ០៣គ្រឿង និងដាវចំនួន ០៣ដើមបន្ថែមទៀត សរុបទាំងអស់មានចំនួន ៣១កញ្ចប់ ទម្ងន់សរុប ៣៩៤,៧៦ក្រាម ដាវចំនួន ០៣ដើម និងម៉ូតូ ០៤គ្រឿងជនសង្ស័យ រកឃើញនូវភស្តុតាងបទល្មើសជួញដូរគ្រឿងញៀន តាមរយះបានការអនុញ្ញាតិពីលោក នួន សាន ព្រះរាជអាជ្ញា នៃអយ្យការអមសាលាដំបូងខេត្ត ។
សមត្ថកិច្ចបានអោយដឹងថាៈ ជនសង្ស័យឈ្មោះ សោម សីុន ត្រូវបាននាំខ្លួនមកកាន់ការិយាល័យបទល្មើសគ្រឿងញៀននៃកងរាជអាវុធហត្ថខេត្ត ដើម្បីធ្វើការសាកសួរនិងចាត់ការបន្តតាមនិតិវិធី៕
ដោយ សុខ ខេមរា
