បាត់ដំបង÷បើតាមនគរបាលជំនាញនៃស្នងការខេត្តបាត់ដំបងបានប្រាប់ឲ្យដឹងថា÷ កម្លាំងការិយាល័យជំនាញ នៃស្នងការដ្ឋាននគរបាលខេត្តបាត់ដំបង នៅថ្ងៃទី ០៩ ខែកញ្ញា ឆ្នាំ ២០២២នេះបានបញ្ចប់ការកសាងសំណុំរឿង ហើយបានបញ្ជូនជនសង្ស័យម្នាក់ទៅអនុវត្តច្បាប់ក្រោយបានប្រព្រឹត្តបទល្មើសមានស្ថានទម្ងន់ទោស និងបង្កឱ្យជនរងគ្រោះរងរបួស។
នគរបាលជំនាញនៃស្នងការខេត្ត
បាត់ដំបងបានបន្តថា÷ជនសង្ស័យមានឈ្មោះស៊ុំ សុភ័ក្រ ភេទប្រុស អាយុ ២៥ឆ្នាំ មានទីលំនៅភូមិរំចេក២ សង្កាត់រតនៈ ក្រុងបាត់ដំបង។ នៅយប់កើតហេតុថ្ងៃទី ០៧ ខែកញ្ញា ត្រង់ចំណុចក្រុមទី ០៤ ភូមិរំចេក២ សង្កាត់រតន: ជនសង្ស័យបានប្រើប្រាស់ប៉ែល និងពូថៅឆែវាយប្លន់ទៅលើជនរងគ្រោះឈ្មោះយឹម កុសល់ ភេទប្រុស អាយុ ៣៣ឆ្នាំ រស់នៅភូមិរំចេក៤ សង្កាត់រតនៈ ក្រុងបាត់ដំបង បណ្តាលឲ្យរងរបួស រួចជនរងគ្រោះបានរត់ទៅប្តឹងដល់សមត្ថកិច្ចក្រុង។
ក្រោយកម្លាំងផ្នែកជំនាញទទួលបានពាក្យបណ្តឹងភ្លាមបានចុះស្រាវជ្រាវរហូតនាំខ្លួនជនបង្កមកកាន់អធិការដ្ឋាននគរបាលក្រុងបាត់ដំបងដើម្បីសាកសួរ។ ជនសង័្សយបានសារភាពថារូបគេពិតជាបានប្រើប្រាស់ប៉ែលប្លន់យកម៉ូតូ និងប្រាក់ពីជនរងគ្រោះខាងលេីពិតប្រាកដមែន។
ក្នុងករណីនេះកម្លាំងបានបង្ក្រាបហើយរួចបានដកហូតវត្ថុតាងម៉ូតូម៉ាកវីវ៉ា សេរីឆ្នាំ២០០៨ ពណ៌ខ្មៅមួយគ្រឿងជារបស់ជនរងគ្រោះ ក្រៅពីនេះប៉ែលដងឫស្សី ០១ដើម និងពូថៅ ០១ផងដែរ ដើម្បី
ចាត់ការតាមផ្លូវច្បាប់ ៕ដោយ,ស សារ៉េត
