ខ្សែប្រយុទ្ធ Erling Haaland របស់ក្រុម Manchester City ត្រូវបានជាប់ឈ្មោះជាកីឡាករឆ្នើមប្រចាំខែរបស់ Premier League សម្រាប់ខែសីហា បន្ទាប់ពីស៊ុតបញ្ចូលទីបាន៩គ្រាប់ក្នុង៥ប្រកួតក្នុងការចាប់ផ្តើមអាជីពរបស់គាត់ក្នុងប្រទេសអង់គ្លេសដ៏អស្ចារ្យ។

Haaland វ័យ២២ឆ្នាំបានស៊ុតបាល់បញ្ចូលទីក្នុងការប្រកួតលីកដំបូងរបស់គាត់ជាមួយក្រុម West Ham United និងស៊ុតបញ្ចូលទីបានមួយគ្រាប់ពេលប៉ះ Newcastle United មុនពេលស៊ុតបញ្ចូលទីបាន Hat-trick ជាប់ៗគ្នាជាមួយ Crystal Palace និងNottingham Forest ខណៈដែល Man City បានឈ្នះ៤ដងក្នុងចំណោម៥ប្រកួតដំបូងរបស់ពួកគេ។

កីឡាករសញ្ជាតិន័រវេសដែលបានចូលរួមជាមួយ Man City ពី Borussia Dortmund រូបនេះបានយកឈ្នះគូប្រជែងរបស់Arsenal កីឡាករ Gabriel Jesus និង Martin Odegaard ក៏ដូចជាខ្សែប្រយុទ្ធ Aleksandar Mitrovic របស់ Fulham ក្នុងចំណោមអ្នកផ្សេងទៀតដើម្បីឈ្នះពានរង្វាន់។ មានតែអតីតខ្សែប្រយុទ្ធ Liverpool កីឡាករ Luis Suarez ប៉ុណ្ណោះដែលស៊ុតបញ្ចូលទីបានច្រើនជាងនេះក្នុងរយៈពេលតែ១ខែក្នុងក្របខ័ណ្ឌ Premier League ដោយរកបាន១០គ្រាប់កាលពីខែធ្នូ ឆ្នាំ២០១៣។

 Haaland បាននិយាយនៅក្នុងសេចក្តីថ្លែងការណ៍មួយថា “ខ្ញុំរីករាយក្នុងការឈ្នះពានរង្វាន់នេះជាលើកដំបូង វាជាការចាប់ផ្តើមរដូវកាលដ៏អស្ចារ្យសម្រាប់ក្រុម ហើយខ្ញុំដឹងគុណចំពោះអ្នកគ្រប់គ្នាដែលបានបោះឆ្នោតឲ្យខ្ញុំ។ យើងទាំងអស់គ្នាចង់ឈ្នះដែលកំពុងដំណើរការនៅរដូវកាលនេះ ដូច្នេះការឈ្នះ៤ប្រកួតក្នុងចំណោម៥គឺជាការចាប់ផ្តើមដ៏អស្ចារ្យសម្រាប់ពួកយើងនៅក្នុងការប្រកួតដ៏លំបាកបំផុតនៅក្នុងពិភពលោក។ ខ្ញុំសប្បាយចិត្តដែលបានចូលរួមចំណែករបស់ខ្ញុំដោយការស៊ុតបញ្ចូលទី។ សង្ឃឹមថាខ្ញុំអាចបន្តគាំទ្រក្រុម និងបន្តការចាប់ផ្តើមដ៏រឹងមាំរបស់យើងសម្រាប់រដូវកាលនេះ“។

 ក្រុម Man City ស្ថិត នៅ លេខ ២ ក្នុង តារាង លីក បន្ទាប់ ពី ប្រកួត ៦ លើក ដោយ មាន ១៤ ពិន្ទុ ដោយចាញ់១ពិន្ទុ តាម ពី ក្រោយក្រុម កំពូល តារាង Arsenal។ Man City នឹងធ្វើដំណើរទៅកាន់ទឹកដីក្រុម Wolverhampton Wanderers នៅថ្ងៃសៅរ៍នេះក្នុងការប្រកួតសប្តាហ៍ទី៧ នៅ Premier League ៕ (រូបភាព ៖ Reuters/CNA)