ខេត្តបន្ទាយមានជ័យៈកម្លាំងផ្នែកសឹករងភ្នំស្រុក សំរួលដល់ការធ្វើដំណើររបស់ពលរដ្ឋ បន្ទាប់មានភ្លៀងធ្លាក់ជាប់ៗគ្នានៅថ្ងៃទី២១ ខែកញ្ញា ឆ្នាំ២០២២នេះ។
សេចក្ដីរាយការពីយោធាបានប្រាប់ថាៈអនុវត្តតាមបទបញ្ជា លោកឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យ លោកវរសេនីយ៍ត្រី មិត្ត ខ្លូត មេបញ្ជាការផ្នែកសឹករងភ្នំស្រុក បានចាត់តាំងលោក អនុសេនីយ៍ឯក សាំង កុសល មេបញ្ជាការរង ផ្នែកសឹករងភ្នំស្រុក ដឹកនាំកម្លាំងអន្តរាគមន៍ផ្នែកសឹករង សហការជាមួយ កម្លាំងកងរាជអាវុធហត្ថ កម្លាំងអធិការនគរបាលស្រុក និងគណៈបញ្ជាការឯកភាពស្រុក ចុះជួយសម្រួលផ្លូវធ្វើដំណើរជូនប្រជាពលរដ្ឋដែលរងផលប៉ះពាល់ដោយជំនន់ទឹកភ្លៀង ស្ថិតក្នុងភូមិស្រះជីកខាងលិច ឃុំស្រះជីក ស្រុកភ្នំស្រុក ខេត្តបន្ទាយមានជ័យ។
គួរបញ្ជាក់ផងដែរថាស្រុកភ្នំស្រុក គឺជាស្រុកមួយដែលមានអាងស្ទុកទឹកធំហើយទឹកច្រើន រួមផ្សំជាមួយទឹកភ្លៀងបន្តធ្លាក់ឥតឈប់ឈរផងនោះ ទើបបណ្តាលអោយមានទឹកជំនន់ ហូរកាត់ផ្លូវមួយចំនួនក្នុងភូមិសាស្រ្តស្រុកផងដែរ ហេតុដូច្នេះសូមបងប្អូន មេត្តាប្រុងប្រយ័ត្នកូនចៅអោយបានខ្ពស់ ជាពិសេសពេលដែលកំពុងមានជំនន់ទឹកភ្លៀងធ្លាក់ខ្លាំងចៀសវាងមានយថាហេតុណាមួយកើតឡើង ខណៈដែលភ្លៀងកំពុងបន្តធ្លាក់ចុះ ហើយទឹកនៅតែបន្តឡើង៕វណ្ណា
