ខេត្តពោធិ៍សាត់៖​  គ្រោះធម្មជាតិរន្ទះបាញ់ស្លាប់ម្នាក់របួសម្នាក់និងងាប់សត្វ២ក្បាល​ ខណៈមេឃធ្លាក់ភ្លៀងលាយឡំខ្យល់កន្ត្រាក់ ផ្គររន្ទះ នៅវាលាម៉ោង២និង៣០នាទីរសៀលថ្ងៃទី១៧ ខែឧសភា ឆ្នាំ២០១៦ នៅចំណុចស្រែអង្គ្រង ក្នុងភូមិវាល ឃុំសំរោង ស្រុកភ្នំក្រវ៉ាញ
ខេត្តពោធិ៍សាត់។

ប្រភពពីក្រុមគ្រួសារជនរងគ្រោះឲ្យដឹងថា ជនរងគ្រោះ២នាក់នេះទី១-ឈ្មោះ ចៃ សឿង ភេទប្រុស អាយុ៦៧
ឆ្នាំ រស់នៅភូមិវាល ឃុំសំរោង រងរបួសធ្ងន់ បញ្ជូនទៅសង្រោះនៅមន្ទីពេទ្យបង្អែកស្រុកភ្នំក្រវ៉ាញ និងទី២-ឈ្មោះ សឿង គឹមសិទ្ធ ភេទប្រុស អាយុ១៣ឆ្នាំ រស់នៅភូមិវាល ឃុំសំរោង បានស្លាប់នៅនឹងកន្លែងកើតហេតុ និងបណ្តាលឲ្យងាប់មាន់១ក្បាល ឆ្កែ១ក្បាល និងខូចផ្ទាំងសូឡា១ឈុតផងដែរ។

បច្ចុប្បន្នសពកុមាររងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕

ដោយ៖ ប៉ិម ពិន​