កីឡាករ Petr Cech អ្នកចាំទីរបស់ក្រុម កាំភ្លើងធំ Arsenal បានទទួលពានរង្វាន់ស្រោមដៃមាសនៅក្នុងក្របខ័ណ្ឌអង់គ្លេសPremier League រដូវកាលឆ្នាំ២០១៥-២០១៦នេះ។
អ្នកចាំទីអន្តរជាតិឆេកនេះបានរារាំងមិនឲ្យគូប្រកួតស៊ុតបាល់បញ្ចូលទីរបស់ខ្លួន ចំនួន១៦ប្រកួតនៅក្របខ័ណ្ឌកំពូលរបស់អង់គ្លេស ។ ចំណែកអ្នកចាំទីអេស្ប៉ាញ David de Gea ដែលសង្ឃឹមថា ឈ្នះពាន រង្វាន់នេះបែរជាបាត់បង់ឱកាសទៅវិញ ក្រោយពេលកីឡាករ Chris Smalling ធ្វើឲ្យចូលទីខ្លួនឯងនៅក្នុងក្រុម Manchester United ឈ្នះ Bournemouth ដោយលទ្ធផល ៣-១។ អ្នកចាំទីចំនួន៣រូបបានរារាំងមិនឲ្យគូប្រកួតស៊ុតបញ្ចូលទីបានចំនួន១៥ប្រកួតដូចគ្នា ក្នុងនោះមានកីឡាករ De Gea របស់ បិសាចក្រហមកីឡាករ Joe Hart របស់ Manchester City និងកីឡាករ Kasper Schmeichel របស់ក្លិបជើងឯក Leicester City ។
ដោយ៖ ដេវីត
