ប្រមុខដឹកនាំតំបន់អឺរ៉ុបបង្ហាញក្តីបារម្ភយ៉ាងខ្លាំង ដោយបានតាមដានយ៉ាងយកចិត្តទុកដាក់ក្រោយពេលលោកស្រី Giorgia Meloni អាចនឹងក្លាយទៅជាប្រមុខដឹកនាំប្រទេសអុីតាលីលើកដំបូងក្រោយបញ្ចប់សង្គ្រាមកូវិដ-១៩ ។

នៅថ្ងៃទី២៦ខែកញ្ញា លោកស្រី Giorgia Meloni ទទួលបានជ័យជម្នះនៅក្នុងការបោះឆ្នោត ជ្រើសរើសប្រមុខដឹកនាំអុីតាលី ។ លោកស្រីគឺជាអ្នកនយោបាយដែលមានគោលបំណងបោះបង់ប្រាក់រួមអឺរ៉ូ ។ សកម្មភាពទាំងនោះហើយបានធ្វើឱ្យអឺរ៉ុបបង្ហាញពីក្តីបារម្ភយ៉ាងខ្លាំងក្រោយប្រមុខដឹកនាំគណបក្សប្រឆាំងឡើងកាន់អំណាច ។
មន្ត្រីសហគមន៍អឺរ៉ុបកំពុងតែតាមដានយ៉ាងយកចិត្តទុកដាក់ ដល់ជ័យជម្នះរបស់លោកស្រី ជាមួយនិងក្តីបារម្ភយ៉ាងខ្លាំង។ ជាមួយនឹងលទ្ធផលទាំងនោះ លោកស្រី Giorgia Meloni នឹងក្លាយទៅជាប្រមុខដឹកនាំមកពីគណបក្សប្រឆាំងជាលើកដំបូងនៅអុីតាលី ចាប់តាំងពីរដ្ឋការរបស់ Mussolini ។
សារព័ត៌មាន New York Times បានបញ្ជាក់ថា ពិតជារឿងត្រឹមត្រូវដែលអឺរ៉ុបត្រូវតែបារម្ភ ក្នុងពេលដែលសហគមន៍កំពុងប្រឈមនឹងការបែកបាក់ ដោយសារកូវីដ -១៩ និងពេលនេះគឺសង្គ្រាមនៅក្នុងប្រទេសអ៊ុយក្រែន ៕ ដោយធីរីណា

រូប​ថត​ :Zingnews.vn