ក្លិប Aston Villa បានសម្រេចតែងតាំងលោក Unai Emery ជាគ្រូបង្វឹកបន្ទាប់ពីការបណ្តេញលោក Steven Gerrard។ អតីតគ្រូបង្វឹក Arsenal លោក Emery ដែលធ្លាប់ដឹកនាំក្លិបអេស្ប៉ាញ Villarreal នឹងចូលកាន់តំណែងនៅ Aston Villa នៅថ្ងៃទី១ខែវិច្ឆិកាខាសងមុខ។

Aston Villa បានបង់ថ្លៃទិញ៥.២លានផោនទៅឱ្យ Villarreal សម្រាប់គ្រូបង្វឹកវ័យ៥០ឆ្នាំរូបនេះ។ អ្នកចាំទី Aaron Danks នឹងចូលកាន់តំណែងម្តងទៀតនៅ Newcastle នៅចុងសប្តាហ៍នេះ បន្ទាប់ពីលោក Gerrard ត្រូវបានបណ្តេញចេញកាលពីសប្តាហ៍មុន ក្រោយពីចាញ់ Fulham ក្នុងក្របខ័ណ្ឌ Premier League ៣–០។

 លោក Emery ដែលនឹងត្រូវផុតកុងត្រានៅ Villarreal នៅរដូវក្តៅក្រោយនឹងចាប់ផ្តើមការងារនៅសប្តាហ៍ក្រោយ បន្ទាប់ពីបែបបទលិខិតអនុញ្ញាតការងាររបស់គាត់ត្រូវបានបញ្ចប់។ ក្លិបបានប្រកាសថា “Aston Villa មានសេចក្តីសោមនស្សរីករាយក្នុងការប្រកាសតែងតាំងលោក Unai Emery ជាគ្រូបង្វឹកថ្មីរបស់ក្លិប។ គ្រូបង្វឹកកម្រិតកំពូលដែលមានបទពិសោធន៍ខ្ពស់ដែលគ្រប់គ្រងការប្រកួតជាង៩០០ប្រកួត លោក Unai ក៏ធ្លាប់បានគ្រប់គ្រងនៅ Premier League អំឡុងពេលលេងជាមួយ Arsenal ដោយដឹកនាំក្រុមកាំភ្លើងធំទៅកាន់វគ្គផ្តាច់ព្រ័ត្រ Europa League ។

 ក្លិបបន្តថា “គាត់ក៏ទទួលបានភាពជោគជ័យគួរឱ្យកត់សម្គាល់នៅ Sevilla និង Paris St-Germain ផងដែរ។ នៅ Sevilla គាត់បានដឹកនាំឈ្នះពានរង្វាន់ Europa League ចំនួន៣ជាប់ៗគ្នារវាងឆ្នាំ២០១៣ និង២០១៦ មុនពេលបន្តទៅលើកជើងឯក Ligue 1 នៅប្រទេសបារាំង ព្រមទាំង French Cup, League Cups និង Trophees des Champions ចំនួន២។

 លោក Emery បានចូលរួមជាមួយ Villarreal ក្នុងឆ្នាំ២០២០ ហើយបានដឹកនាំពួកគេឱ្យទទួលបានជោគជ័យក្នុង Europa League ក្នុងរដូវកាល២០២០–២០២១ ដោយបានយកឈ្នះ Manchester United នៅវគ្គផ្តាច់ព្រ័ត្រ។

 ក្លិបអេស្ប៉ាញក៏បានឈានដល់វគ្គពាក់កណ្តាលផ្តាច់ព្រ័ត្រ Champions League កាលពីឆ្នាំមុនក្រោមការដឹកនាំរបស់លោកEmery ដោយចាញ់ក្រុម Liverpool ៥–២ សរុបទាំងពីរជើង។

 លោក Emery បានធ្វើគ្រូបង្វឹកក្លិប Villarreal បន្ទាប់ពីបានដឹកនាំត្រឹមតែ១៨ខែក្នុងនាមជាអ្នកចាត់ការក្រុម Arsenal កាលពីខែវិច្ឆិកា ឆ្នាំ២០១៩ ក្រោយបរាជ័យក្នុងការឈ្នះ៧ប្រកួត ដែលជាកំណត់ត្រាដ៏អាក្រក់បំផុតរបស់ក្រុមកាំភ្លើងធំនៅពេលនោះចាប់តាំងពីខែកុម្ភៈ ឆ្នាំ១៩៩២។ ក្នុងអំឡុងពេលរបស់គាត់នៅភាគខាងជើងទីក្រុងឡុងគាត់បាននាំ Arsenal ទៅវគ្គផ្តាច់ព្រ័ត្រEuropa League ដោយចាញ់ Chelsea ក្នុងឆ្នាំ២០១៩។

 Aston Villa បានយកឈ្នះ Brentford ៤–០ កាលពីថ្ងៃអាទិត្យក្រោមការដឹកនាំបណ្តោះអាសន្នរបស់លោក Danks ដែលជាជ័យជម្នះលើកទី៣របស់ពួកគេក្នុង១២ប្រកួត Premier League នៅរដូវកាលនេះ ដែលបានធ្វើឱ្យពួកគេឈរនៅលេខ១៤ឈ្នះ៣ពិន្ទុប៉ុណ្ណោះពីលើក្រុមក្នុងតំបន់កាត់ចោល។ ជាមួយគ្នានេះក្លិបក៏ធ្លាប់បានជួបពិភាក្សាជាមួយតំណាងរបស់គ្រូបង្វឹក Sporting Lisbon លោក Ruben Amorin ផងដែរ ៕ (រូបភាព ៖ BBC Sport)