ភ្នំពេញ៖ ថវិកា ជាង៦០ម៉ឺនដុល្លា ត្រូវបានក្រុមប្រឹក្សាឥស្លាម រដ្ឋសហព័ន្ធម៉ាឡេស៊ី ផ្តល់ជំនួយសម្រាប់ពង្រឹងវិស័យអប់រំ សហគមន៍ឥស្លាមកម្ពុជា ដើម្បីពង្រឹងសមត្ថភាពគ្រូបង្រៀនខ្មែរឥស្លាម ១៥០០នាក់ មុននិងបញ្ចូលបុគ្គលិក គ្រូបង្រៀន ចូលបម្រើការងារក្នុងក្របខណ្ឌក្រសួងអប់រំ យុវជន និងកីឡា នេះបើ តាមការបញ្ជាក់ឲ្យដឹងពីលោក អូស្មាន ហាស្សាន់ រដ្ឋលេខាធិការក្រសួងការងារ និងជាប្រធានអង្គការមូលនិធិអភិវឌ្ឍន៍មុស្លិមកម្ពុជា ក្នុងពិធីបើកសិក្ខាសាលា ពង្រឹងសមត្ថភាពគ្រូបង្រៀនឥស្លាមចំនួន៣០០នាក់ ជំហានទី១ នៅស្នាក់ការកណ្ដាល គណៈដឹកនាំ ជាន់ខ្ពស់ នៃសាសនាឥស្លាមកម្ពុជា ឬស្សីកែវ កាលពីថ្ងៃទី ២៧ ខែកក្ដដា ឆ្នំា២០១៥ ។
លោកអូស្មាន ហាស្សាន់ បានបញ្ជាក់ថា៖ ដើម្បីពង្រឹងសមត្ថភាព គ្រូបង្រៀនឥស្លាមឲ្យទទួលបានចំណេះដឹងខ្ពស់នោះ ភាគីម្ចាស់ជំនួយម៉ាឡេស៊ី គេសម្រេចផ្ដល់ជំនួយថវិកាឥសំណងជាង៦០ម៉ឺនដុល្លា ជូនសហគមន៍ឥស្លាម ដើម្បីយកមកពង្រឹងវិស័យអបរំ ។ ជំនួយនេះ អង្គការមូលនិធិអភិវឌ្ឍន៍មុស្លិមកម្ពុជា សម្រាប់ពង្រឹវិស័យអប់រំឥស្លាម ដែលក្នុងនោះមាន ៤០០៧០០ដុល្លាសម្រាប់សាងសង់សាលាមធ្យមសិក្សានិង២៣ម៉ឺនសម្រាប់ទិញដីបន្ថែមពង្រីកអាគារសិក្សា។
លោក សុះ កំរ៉ី ចាងហ្វាងគណៈដឹកនាំជាន់ខ្ពស់ នៃសាសនាឥស្លាមកម្ពុជា បានបញ្ជាក់ថា៖ ចាប់តាំងពីការចាប់ដៃ ក្នុងវិស័យមនុស្សធម៌ របស់MAIWP ជាមួយ គណៈដឹកនាំឥស្លាមកម្ពុជាកម្ពុជា អំឡុងពេល ប្រមាណជា១ឆ្នាំ គឺ MAIWP បានផ្តល់ជំនួយជា ច្រើនវិស័យមកដល់សហគមន៍ខ្មែរឥស្លាម ដែលគិត ជាថវិការ ជិត១លានដុល្លា។ លោកអូស្មាន ហាស្សាន់ រដ្ឋមន្រ្តីប្រតិភូអម នាយករដ្ឋមន្រ្តី ដែលអញ្ជើញជា អធិបតីក្នុង ពិធីបើកសិក្ខាសាលានេះបានមាន ប្រសាសន៍ថា នេះជាការចូលរួមយ៉ាងសកម្ម ក្នុងការ លើកកំពស់វិស័យអប់រំជាមួយរាជរដ្ឋាភិបាលកម្ពុជា ខណៈដែល ប្រមុខរាជរដឋាភិបាលកម្ពុជា ក្រោមការដឹកនាំ របស់សម្តេចតេជោ ហ៊ុន សែន បានកំពុងតែ យកចិត្តទុកដាក់ និង ពង្រឹងយ៉ាងខ្លាំង បំផុត ក្នុងវិស័យអប់រំនេះ។ ជាការផ្តល់ការយក ចិត្ត ទុកដាក់ ពង្រឹងវិស័យអប់រំសម្រាប់សហគមន៍ ខ្មែរ ឥស្លាមទូទាំងប្រទេស គឺថ្មីៗនេះសហគមន៍ ខ្មែរឥស្លាម ក៏ទើបតែ ត្រូវបានរាជរដ្ឋាភិបាល សម្រេចជាគោលការណ៍ដើម្បី បញ្ចូលគ្រូខ្មែរឥស្លាម ប្រមាណ១៥០០នាក់ ទូទាំង ប្រទេស ចូលក្នុងក្របខណ្ឌរបស់ក្រសួងអប់រំយុវជន និងកីឡាផងដែរ។
លោក Datok Haji Zainal Abidin Jaffe r នាយកប្រតិបត្តិ ក្រុមប្រឹក្សា រដ្ឋសហព័ន្ឋឥស្លាម ម៉ាឡេស៊ី (MAIWP) ក្រៅពីការប្រគល់ថវិការ ៦៣០៧០០ដុល្លា សម្រាប់ទ្រទ្រង់វិស័យអប់រំ លោកក៏បានផ្តល់ថវិកាបន្ថែមប្រមាណ៣៣០០០សម្រាប់ការរៀបចំសិក្ខាសាលានេះ ។ ក្នុងឱកាសនោះដែរ Datok Haji Zainal Abidin Jaffe r ក៏សន្យាសន្យាបន្តជួយរៀបចំវគ្គបណ្តុះបណ្តាលគ្រូបង្គោលទូទាំងប្រទេស ផ្នែកជំនាញនៃការគ្រប់គ្រងសាលា និងអប់រំនៅតាមមូលដ្នាន និងបន្តផ្តល់អាហារូបករណ៍ ដល់សិស្សនិស្សិតបន្តការសិក្សានៅតាមបណ្តាសកលវិទ្យាល័យននានាទាំងក្នុង និងក្រៅប្រទេស ៕ ដោយ៖ សំរិត
