នេះ នឹង ជា ការ ជួប គ្នា លើក ទី ៣ នៃព្រឹត្តិការណ៍ World Cup រវាង ជប៉ុន និង ក្រូអាត ដោយ ជប៉ុន ឈ្នះ ទាំង គ្មាន គ្រាប់ បាល់បញ្ចូល ទី ក្នុង ២ លើក មុន គឺ ចាញ់ ០–១ កាលពី ឆ្នាំ១៩៩៨ និង ឆ្នាំ២០០៦ទាំង ក្នុង វគ្គ ចែក ពូល។ ការ ជួបគ្នារវាងក្រុមទាំង២ នោះ គឺជា ការ ប្រកួត World Cup លើក មុន របស់ ក្រូអាត ទល់ នឹង ប្រទេស អាស៊ី មួយនេះ។ ចំណែកប្រេស៊ីលត្រូវប៉ះកូរ៉េខាងត្បូងដើម្បីស្វែងរកអ្នកឈ្នះឈានទៅវគ្គ៨ក្រុមដែរ។

 ជប៉ុនបានឈ្នះការប្រកួត World Cup 2022 របស់ខ្លួនទាំង២ទល់នឹងក្រុមអឺរ៉ុប ដោយឈ្នះអេស្ប៉ាញ និងអាល្លឺម៉ង់ ២–១ ក្នុងវគ្គចែកពូល។ ពួក គេ បាន ឈ្នះ តែ២ ប្រកួត ក្នុង ចំណោម ការ ប្រកួត World Cup ១០លើកដំបូង ទល់ នឹង ក្រុម អឺរ៉ុប មុន ឆ្នាំ នេះ (ឈ្នះ២ស្មើ៣ ចាញ់៥)។

 ជប៉ុន បាន ឈាន ដល់ វគ្គ ១៦ ក្រុម ចុង ក្រោយ នៃ ព្រឹត្តិការណ៍ World Cup ជា លើក ទី ៤ រួម ទាំង ការ ប្រកួត ទាំង ២ លើកចុង ក្រោយ។ ទោះបីជាយ៉ាងណាក៏ដោយ ពួកគេមិនដែលឈានចេញពីវគ្គនេះទេ ដោយចាញ់ប៉ារ៉ាហ្គាយ (ដោយបាល់ប៉េណាល់ទី) ក្នុងឆ្នាំ២០១០ និងបែលហ្ស៊ិកក្នុងឆ្នាំ២០១៨។ ប្រទេសអាស៊ីតែមួយគត់ដែលបានឈានដល់វគ្គ 1/4 ផ្តាច់ព្រ័ត្រ World Cup គឺកូរ៉េខាងជើងក្នុងឆ្នាំ១៩៦៦ និងសាធារណរដ្ឋកូរ៉េក្នុងឆ្នាំ២០០២។

 ចំណែកក្រុមក្រូអាតនឹងក្លាយជាការបង្ហាញខ្លួនជាលើកទី៣របស់ខ្លួនក្នុងជុំ១៦នៅ World Cup ខណៈពេលដែលពួកគេបានឈានចេញពីដំណាក់កាលនេះក្នុងការប្រកួតទាំង២លើកមុន ដោយបានផ្តួលរូម៉ានី ១–០ ក្នុងឆ្នាំ១៩៩៨ និងដាណឺម៉ាកដោយបាល់ប៉េណាល់ទីក្នុងឆ្នាំ២០១៨ ធ្វើឲ្យឆ្នាំ២០១៨នោះក្រុមក្រូអាតទទួលបានជើងឯករង ក្រោយពីចាញ់បារាំងក្នុងវគ្គផ្តាច់ព្រ័ត្រ។

 ក្រូអាតបានចាញ់តែ២ប្រកួតប៉ុណ្ណោះក្នុងចំណោមការប្រកួតជម្រុះទាំង៨លើករបស់ពួកគេនៅ World Cup (ឈ្នះ៤ ស្មើ២ ចាញ់២) ខណៈពេលដែលពួកគេក៏រីកចម្រើនពីការប្រកួត២ដែលបានបញ្ចប់ដោយស្មើដោយបាល់ប៉េណាល់ទី ក្នុងឆ្នាំ២០១៨(ជាមួយដាណឺម៉ាកក្នុងជុំទី១៦ ក្នុងប្រទេសរុស្ស៊ី)

 ក្រូអាតបានបរាជ័យក្នុងការរកគ្រាប់បាល់បាន២ក្នុងការប្រកួតវគ្គចែកពូលទាំង៣ប្រកួតរបស់ខ្លួននៅ World Cup ឆ្នាំនេះ ដោយបានត្រឹម ស្មើ ក្នុង ការ ប្រកួត ចំនួន២ ក្នុង ចំណោម ការ ប្រកួត ចំនួន១៣កាលពី ឆ្នាំ២០០៦, ២០១៤, ២០១៨។

 ប្រវត្តិនៃការជួបគ្នា៣លើករបស់ក្រូអាតនឹងជប៉ុនគឺឈ្នះម្នាក់ម្តង និងស្មើម្តង។ ប្រកួតលើកចុងក្រោយស្មើគ្នា០ទល់០ ក្នុងការប្រកួតជម្រុះ World Cup កាលពីឆ្នាំ២០០៦។ រីឯស្ថិតិនៃការប្រកួតក្នុងវគ្គចែកពូលឆ្នាំនេះវិញ ជប៉ុនឈ្នះ២ ចាញ់១ ដោយប្រកួតដំបូងឈ្នះអាល្លឺម៉ង់២ទល់១, ចាញ់កូស្តារីកា១ទល់០ និងឈ្នះអេស្ប៉ាញ២ទល់១ ឈរលេខ២ក្នុងពូល។ ចំណែកក្រូអាតវិញការប្រកួតជម្រុះក្នុងពូលគឺឈ្នះ១ ស្មើ២ ដោយប្រកួតដំបូងស្មើជាមួយម៉ារ៉ុក ០ទល់០, ឈ្នះកាណាដា៤ទល់១ និងស្មើបែលហ្ស៊ិក០ទល់០ ឈរលេខ១ក្នុងពូល។

ដោយឡែកប្រេស៊ីលហាក់មានប្រៀបជាងកូរ៉េខាងត្បូង ដោយយោងទៅលើប្រវត្តិជួបគ្នា៣លើកចុងក្រោយ កូរ៉េខាងត្បូងមិនដែលឈ្នះប្រេស៊ីលនោះទេ។ ការជួបគ្នា៣លើកនោះគឺប្រេស៊ីលឈ្នះ២ទល់០ក្នុងទឹកដីជប៉ុន, ប្រេស៊ីលឈ្នះ៣ទល់០ក្នុងទឹកដីខ្លួនឯង និងប៉ះគ្នាចុងក្រោយប្រេស៊ីលឈ្នះ៥ទល់១ក្នុងទឹកដីកូរ៉េខាងត្បូងក្នុងជំនួបមិត្តភាព។

 ការប្រកួតរវាងជប៉ុននឹងក្រូអាតនឹងធ្វើឡើងនៅវេលាម៉ោង១០យប់ថ្ងៃទី៥ ខែធ្នូនេះម៉ោងនៅកម្ពុជា ខណៈដែលប្រេស៊ីលត្រូវប៉ះកូរ៉េខាងត្បូងនៅម៉ោង២រំលងអធ្រាត្រ។ ក្រុមទាំង៤ត្រូវប្រជែងគ្នាយកឈ្នះរៀងៗខ្លួនដើម្បីស្វែងរក២ក្រុមដែលឈ្នះប៉ះគ្នាក្នុងវគ្គ៨ក្រុមបន្តទៀត ៕ (រូបភាព ៖ soccerway.com)