ភ្នំពេញ៖ កម្លាំងសមត្ថកិច្ចខណ្ឌសែនសុខចុះបង្ក្រាបទីតាំងចែកចាយនិងប្រើប្រាស់គ្រឿងញៀនឃាត់ខ្លួនមនុស្ស១១នាក់និងសម្ភារប្រើប្រាស់មួយចំនួន កាលពីវេលាម៉ោង១០ និង១០នាទីយប់ថ្ងៃ២ ខែមិថុនា ឆ្នាំ២០១៦ នៅតំបន់ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ការចុះរដ្ឋបាលខាងលើនេះដឹកនាំដោយលោក គួក សុខហួរ អធិការរងនគរបាលខណ្ឌសែនសុខ តំណាងលោក ម៉ក់ ហុង អធិការនគរបាលខណ្ឌបានដឹកនាំកំលាំងនគរបាលជាច្រើននាក់ទៀត។
លោក គួក សុខហួរ អធិការរងនគរបាលខណ្ឌសែនសុខ បានឲ្យដឹងថាកន្លងមកកម្លាំងរបស់អធិការដ្ឋានខណ្ឌបានចុះធ្វើរដ្ឋបាលជាច្រើនលើកច្រើនសារហើយក៏ឃាត់ខ្លួនអ្នកប្រើប្រាស់គ្រឿងញៀនជាច្រើននាក់បញ្ជួនទៅតុលាការចាត់ការតាមផ្លូវច្បាប់ផងដែរ ប៉ុន្តែដោយសារតែតំបន់នេះស្មុកស្មាញខ្លាំងពេកទើបការបង្ក្រាបរបស់សមត្ថកិច្ចមានការពិបាក។
សមត្ថកិច្ចជំនាញផ្នែកធ្វើតេសរកសារធាតុញៀនបានឲ្យដឹងថា មនុស្សទាំង១១នាក់ដែលឃាត់ខ្លួនគឺអ្នកដែលមានសារធាតុញៀននោះមានចំនួន៦នាក់ដោយឡែក ៥នាក់ទៀតមិនមានសារធាតុញៀតទេ។
បច្ចុប្បន្នក្រុមប្រើប្រាស់គ្រឿងញៀនចំនួន៦នាក់កំពុងឃាត់ខ្លួនរូមទាំងវត្ថុតាងខាងលើត្រូវបាននៅអធិការដ្ឋាននគរបាលខណ្ឌសែនសុខហើយកសាងសំណុំរឿងបញ្ជួនទៅតុលាការ។ ដោយឡែក៥នាក់ទៀតដែលមិនមានសារធាតុញៀនត្រូវសមត្ថកិច្ចអោយឱពុកម្តាយមកធានាយកទៅផ្ទះវិញ៕
ដោយ៖ តុង សីហា
