នៅក្នុងដំណើរទស្សនកិច្ចទៅកាន់បារំាងរបស់ប្រធានាធិបតីកូរ៉េខាងត្បូង លោកស្រី ប៉ាក់គុនហេ ទទួលបានជោគជ័យទាំងស្រុងដោយ បារាំង និងកូរ៉េខាងត្បូងបានចុះហត្ថលេខាលើកិច្ចព្រមព្រៀងមួយចំនួន ដែលចូលរួមលើកស្ទួយការវិនិយោគផ្នែក អប់រំ ស្រាវជ្រាវ និងទេសចរណ៍ ។ ក្រៅពីនេះ ប្រធានាធិបតីបារាំង ហ្វ្រង់ស៊័រ ហូឡង់ បានសំដែងជំហរគាំទ្រកូរ៉េខាងត្បូង ពេញទីប្រឈមនឹងការផ្គើនរបស់កូរ៉េខាងជើង ។

នៅក្នុងដំណើរទស្សនកិច្ចនោះ លោកស្រី ប៉ាក់ គុនហេ ត្រូវការបារាំងគាំទ្រកូរ៉េខាងត្បូងប្រឈមនឹងការផ្គើនរបស់កូរ៉េខាងជើង ។ គួរកត់សំគាល់ថា ថ្មីៗនេះក្រុងព្យុងយ៉ាងបានធ្វើអោយក្រុងសេអ៊ូលព្រួយបារម្ភមិនតិចទេ ដោយសារតែការសាកល្បងនុយក្លេអ៊ែរនុយក្លេអ៊ែរជាលើកទី៤ ទោះជាការសាកល្បងនេះបរាជ័យក្តី ។

យោងតាមលោកហូឡង់ បារាំងមិនចង់អោយសន្តិសុខក្នុងតំបន់ពិសេសសន្តិសុខកូរ៉េខាងត្បូង រងការប៉ះពាល់ឡើយ។ ម្សិលមិញបារាំង និងកូរ៉េខាងត្បូងក៏សំដែងការបារម្ភចំពោះសិទ្ធិមនុស្សនៅកូរ៉េខាងជើងផងដែរ ។

ទស្សនកិច្ចលោកស្រី ប៉ាក់ គុនហេ នៅទីក្រុងប៉ារីសបានបិទបញ្ចប់ដោយការចុះហត្ថលេខាលើកិច្ចព្រមព្រៀងមួយចំនួន ។ ការផ្តោះប្តូរពាណិជ្ជកម្មរវាងបារាំង នឹងកូរ៉េខាងត្បូងជួបកំណើនខ្ពស់ ។ នៅកូរ៉េខាងត្បូង បារាំងមានវត្តមានក្នុងវិស័យវិទ្យាសាស្ត្រ និងបច្ចេកទេសដែនអាកាស គ្រឿងសម្អាង និងថ្នាំពេទ្យ ៕

ប្រែសម្រួល៖ ម៉ែវ សាធី