កំពង់ធំ៖ គ្រោះថ្នាក់ចរាចរណ៍រវាងម៉ូតូបុកនិងម៉ូតូធ្វើអោយរបួសធ្ងន់២នាក់និងរបួសស្រាល១នាក់ កាល់ពីវេលាម៉ោង ១និង៤០នាទីថ្ងៃត្រង់ ថ្ងៃទី២៧ ខែកក្កដា ឆ្នាំ២០១៥លើកំណាត់ផ្លូវជាតិលេខ ០៦ ត្រង់ចំនុច មុខផ្សារថ្នល់បែក ក្នុងភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ក្នុងហេតុការណ៍គ្រោះថ្នាក់ចរាចរណ៍នេះ បានធ្វើអោយបុរសចំណាស់ម្នាក់ ឈ្មោះ ពឹនចាន់រុន អាយុ ៥៦ឆ្នាំរង់របួសធ្ងន់ ដោយគាត់ជិះម៉ូតូតែម្នាក់អែង រស់នៅក្នុងភូមិ ទី៧ សង្កាត់កំពង់ធំ ខេត្តកំពង់ធំ ចំណែក ភាគីម្ខាងទៀតឈ្មោះ អ៊ន អូក ភេទប្រុស អាយុ១៨ឆ្នាំរបួសធ្ងន់ និងអ្នករួមដំណើរ ឈ្មោះ ឡាំឌៃ អាយុ២២ឆ្នាំ រស់នៅភូមិ សានស្ទោង ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ជាមួយគ្នា ជិះមកដល់ចំនុចកើតហេតុស្រាប់តែបុកជាមួយម៉ូតូម្ខាងទៀតពេញទំហឹង តែម្ដង ។
តាមប្រភពពត័មានពីកន្លែងកើតហេតុបានអោយដឹងថា មុនពេលកើ់តហេតុគេឃើញម៉ូតូ១គ្រឿងម៉ាក់សង១២៥ ប្រើប៊ិចសេរីឆ្នាំ២០១២ ពណ៍ក្រហម ពាក់ផ្លាកលេខភ្នំពេញ 1BV-5647 បើកបរក្នុងល្បឿនលឿន ឌុបគ្នា២នាក់ មកដល់ចំនុចកើតហេតុស្រាប់តែមាន ម៉ូតូ១គ្រឿងទៀតម៉ាក់សង១២៥ សេរីឆ្នាំ២០០៩ ពាក់ផ្លាកលេខ កណ្ដាល 1H-6920 បើកបរដោយ បុរសចំណាស់បើកឆ្លងថ្នល់ មកដល់មិនទាន់ផុតផងក៏បុកគ្នាពេញទំហឹងតែម្ដង។
ក្រោយពេលកើតហេតុ ត្រូវបានរថយន្ដសាម៉ុយ ដឹកបញ្ចូន ជនរងគ្រោះទៅកាន់មន្ទីពេទ្យ ចំណែក ម៉ូតូទាំង២គ្រឿងត្រូវបានសមត្ថកិច្ចធ្វើការវាស់វែងរួចក៏ចញ្ចូនយកទៅរក្សាទុកនៅស្នងការនគរបាលស្រុកកំពង់ស្វាយ រងចាំភាគីសងខាងមកដោះស្រាយទៅតាមច្បាប់៕ ប៊ុន រិទ្ធី
