កីឡាករ Raphael Varane ដែលជាខ្សែការពារកណ្តាលរបស់ក្លិប Manchester United និងបារាំងបានប្រកាសចូលនិវត្តន៍ពីបាល់ទាត់អន្តរជាតិ ពោលគឺគាត់នឹងមិនបង្ហាញខ្លួនឲ្យក្រុមជម្រើសជាតិក្នុងការប្រកួតឲ្យប្រទេសរបស់គាត់ទៀតទេ។

 កីឡាករវ័យ២៩ឆ្នាំដែលបានជួយបារាំងឈ្នះពានរង្វាន់បាល់ទាត់ពិភពលោកក្នុងឆ្នាំ២០១៨ បានស៊ុតបញ្ចូលទីបាន៥គ្រាប់ក្នុងការបង្ហាញខ្លួន៩៣លើកសម្រាប់ប្រទេសរបស់គាត់បន្ទាប់ពីបង្ហាញខ្លួនជាលើកដំបូងរបស់គាត់ក្នុងឆ្នាំ២០១៣។ ការ ស៊ុត បាល់ បញ្ចូល ទីចុង ក្រោយ របស់ គាត់ គឺ ឈ្នះ នៅ វគ្គ ផ្ដាច់ព្រ័ត្រ World Cup ឆ្នាំ២០២២ដែល បារាំង ត្រូវ អាហ្សង់ទីន ផ្ដួល ដោយ បាល់ ប៉េណាល់ទី។

Raphael Varane បាននិយាយថា “តំណាងឱ្យប្រទេសដ៏អស្ចារ្យរបស់យើងអស់រយៈពេលមួយទសវត្សរ៍គឺជាកិត្តិយសដ៏អស្ចារ្យបំផុតនៃជីវិតរបស់ខ្ញុំ។ រាល់ពេលដែលខ្ញុំពាក់អាវពណ៌ខៀវដ៏ពិសេសនេះ ខ្ញុំមានអារម្មណ៍ថា មានមោទនភាពយ៉ាងខ្លាំង កាតព្វកិច្ចត្រូវផ្តល់ឱ្យវាទាំងអស់ដោយបេះដូងរបស់ខ្ញុំ និងឈ្នះរាល់ពេលដែលយើងដាក់នៅលើទីលាន។ ខ្ញុំបានសញ្ជឹងគិតរឿងនេះអស់រយៈពេលជាច្រើនខែ ហើយបានសម្រេចចិត្តថាវាជាពេលវេលាដ៏ត្រឹមត្រូវសម្រាប់ខ្ញុំក្នុងការចូលនិវត្តន៍ជាអន្តរជាតិ“។

Varane ដែលបានចុះហត្ថលេខាជាមួយ Manchester United ពី Real Madrid ក្នុងខែសីហា ឆ្នាំ២០២១ គឺជាកីឡាករចុងក្រោយរបស់ក្រុមអធិរាជសដែលបានចូលនិវត្តន៍បន្ទាប់ពីការប្រកួតបាល់ទាត់ពិភពលោក។

កាលពីខែមករា អ្នកចាំទីរបស់ Tottenham និងប្រធានក្រុមកីឡាករ Hugo Lloris បានប្រកាសបញ្ចប់ការបង្ហាញខ្លួនឲ្យជម្រើសជាតិគឺ៣សប្តាហ៍បន្ទាប់ពីវគ្គផ្តាច់ព្រ័ត្រ World Cup 2022។

Varane ត្រូវបានគេរំពឹងថា នឹងកាន់កាប់តំណែងប្រធានក្រុមបារាំងពី Lloris។ Varane បាននិយាយថា “កាលនៅក្មេង ខ្ញុំចាំបានថាដើរតាមក្រុមបារាំងកាលពីឆ្នាំ១៩៩៨ ដែលធ្វើឲ្យយើងទទួលបានបទពិសោធន៍ដែលមិនអាចពិពណ៌នាបាន។ ខ្ញុំសុបិនចង់ក្លាយជាវីរបុរសរបស់យើង ហើយ២០ឆ្នាំក្រោយមក ខ្ញុំបានរស់នៅក្នុងបទពិសោធន៍ដ៏ល្អបំផុតមួយក្នុងជីវិតរបស់ខ្ញុំ ដែលធ្វើឲ្យខ្ញុំពិតជាមានមោទនភាព។ យើងបាននាំមកផ្ទះវិញនូវពានរង្វាន់ ខ្ញុំនឹងមិនអាចបំភ្លេចវាបានទេ។ ខ្ញុំនៅតែមានអារម្មណ៍គ្រប់អារម្មណ៍ទាំងអស់នៅថ្ងៃនោះ ថ្ងៃទី១៥ ខែកក្កដា ឆ្នាំ២០១៨ នោះគឺជាពេលវេលាដ៏អស្ចារ្យ និងមិនអាចបំភ្លេចបានបំផុតនៃជីវិតរបស់ខ្ញុំ” ៕ (រូបភាព ៖ BBC Sport)