ភ្នំពេញ​៖​ រថយន្តម៉ាកVitមួយគ្រឿងម្ចាស់បេីកបរបំណងបត់ត្រឡប់ក្រោយវិញស្រាប់តែមានរថយន្តម៉ាកព្រូសមកពីក្រោយបុកពីចំហៀងពេញទំហឹងបណ្តាលឲ្យរងការខូចខាតយ៉ាងដំណំ។

ហេតុការណ៍​នេះបានកេីតកាលពីវេលាម៉ោង៨និង៥០នាទីយប់​ ថ្ងៃទី១៤​ ខែកុម្ភៈ​ ឆ្នាំ២០២៣​ នៅតាមបណ្តោយផ្លូវជាតិលេខ៤​ ស្ថិតក្នុងភូមិអូឌឹម​ សង្កាត់ចោមចៅទី៣​ ខណ្ឌពោធិ៍សែនជ័យ​ ។
តាមប្រភពព័ត៌មានបានឲ្យដឹងថា​ មុនពេលកេីតហេតុគេបានឃេីញរថយន្តម៉ាកVit​ពណ៌ប្រផេះ​ ពាក់ស្លាកលេខភ្នំពេញ2BQ 4937 ធ្វេីដំណេីរតាមបណ្តោយផ្លូវជាតិលេខ៤​ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែបត់ឆ្វេងបំណងត្រឡប់ក្រោយវិញភ្លាមនោះក៏មានរថយន្តម៉ាកព្រូស​ ពណ៌ស​ ពាក់ស្លាកលេខភ្នំពេញ2BK 1842 ធ្វេីដំណេីរមកពីក្រោយក៏ជ្រុលបុកពីចំហៀងពេញទំហឹងបណ្តាលឲ្យរងការខូចខាតទាំងសងខាងយ៉ាងដំណំតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះមកធ្វេីការវាស់វែងយករថយន្តទាំង២គ្រឿងទៅរក្សាទុករងចាំដោះស្រាយពេលក្រោយ៕ដោយ៖សុខាសែនជ័យ