ភ្នំពេញ : ដំណឹងមរណភាព ! ពិតជាគួរឲ្យសោកស្តាយ នូវការបាត់បង់ តារាកំប្លែងជើងចាស់ នាយក្តិប បានទទួលមរណៈភាពនៅវេលា៩និង៤៥នាទីយប់ថ្ងៃទី១៨ ខែកុម្ភៈ ឆ្នាំ២០២៣ ម្សិលមិញនេះ។
នៅលើទំព័រហ្វេសប៊ុកកូនស្រីតារាកំប្លែងនាយ ក្តឹប បានបញ្ជាក់ឲ្យដឹងយ៉ាងក្តុកក្តួលនិងសោកសៅថា “ឪពុករបស់ខ្ញុំគាត់បានស្លាប់ លាចាកលោកចោលពួកខ្ញុំហើយ” ។ កូនស្រីនាយ ក្តឹប បានឲ្យដឹងទៀតថា, ឪពុកខ្លួនបានទទួលមរណភាពវេលាម៉ោង៩និង ៤៥នាទីយប់ថ្ងៃទី១៨ ខែកុម្ភៈ ឆ្នាំ២០២៣។ នាយក្តិប មានជំងឺច្រើនមុខដូចជា ទឹកដក់ក្នុងសួត ទឹកនោមផ្អែម ដាច់សរសៃឈាមខួរក្បាល ខ្វះឈាមក្នុងបេះដូង ព្រមទាំងលើសឈាមថែមទៀត។
តាមរយៈដំណឹងមរណភាពរបស់វីរៈសិល្បករផ្នែកកំប្លែងនាយ ក្តឹប នាពេលនេះគេឃើញមានអ្នកគាំទ្រព្រមទាំងសិល្បករ-សិល្បការិនីជាច្រើនបានសម្តែងក្តីរន្ធត់ស្លុតចិត្តខ្លាំងចំពោះកាបាត់បង់ធនធានសិល្បករដ៏មានប្រជាប្រិយភាពនិងទេពកោសល្យក្នុងវិស័យសិល្បៈខ្មែរ។ ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារផងដែរ។
សូមជម្រាបថា តារាកំប្លែងស្ថិតក្នុងក្រុមនាយ កុយ , នាយ ក្រឹម គឺនាយ ក្តឹប កន្លងមកបានធ្លាក់ខ្លួនឈឺជំងឺញ៉ាំញីរាងកាយមិនអាចធ្វើដំណើរ ឬ ប្រកបអាជីពសិល្បៈបានឡើយ។ នាយ ក្តឹប មានជំងឺច្រើនមុខដូចជា,ទឹកដក់ក្នុងសួត,ទឹកនោមផ្អែម,ដាច់សរសៃ ឈាមខួរក្បាល ខ្វះឈាមក្នុងបេះដូង ព្រមទាំងលើសឈាមជាដើម។
លោក ហេង ឡុង នៅព្រឹកថ្ងៃទី១៩ ខែកុម្ភៈ ឆ្នាំ២០២៣ បានបង្ហោះលើ facebook ផ្លូវការថា, “ខ្ញុំបាទ និងសិល្បករសិល្បការនីសូមចូលរួមរំលែកមរណៈទុក្ខចំពោះគ្រួសារនាយក្តឹប ដែលបានចែកឋាននៅវេលាម៉ោង 9 និង45 នាទី យប់ នៅថ្ងៃទី១៨ ខែកុម្ភៈ ឆ្នាំ ២០២៣ សពតម្កល់នៅផ្ទះរបស់គាត់។
សូមបងប្អូនចូលបុណ្យតាមរយៈទូរសព្ទកូនរបស់គាត់ផ្ទាល់លេខ 011212217 ៕
ដោយ : សហការី
