ចំពេលមានរបាយការណ៍របស់អាមេរិកដែលថាចិនទំនងជាផ្តល់ជំនួយដល់រុស្ស៊ីក្នុងជម្លោះជាមួយអ៊ុយក្រែន ទីក្រុងកៀវបានព្យាយាមអូសទាញចិនឱ្យមកឈរខាងខ្លួននៅក្នុងសង្គ្រាមអ៊ុយក្រែន ។

នៅក្នុងបទសម្ភាសន៍ជាមួយកាសែតអាល្លឺម៉ង់ Die Welt កាលពីថ្ងៃទី 20 ខែកុម្ភៈ ប្រធានាធិបតីអ៊ុយក្រែនលោក Volodymyr Zelensky បាននិយាយថា “សម្រាប់ពួកយើង វាជារឿងសំខាន់ដែលប្រទេសចិនមិនគាំទ្រសហព័ន្ធរុស្ស៊ីក្នុងជម្លោះនេះទេ។ តាមពិតខ្ញុំចង់ឱ្យទីក្រុងប៉េកាំងនៅខាងយើង។ ”
ទោះជាយ៉ាងនេះក្តី បើតាមមេដឹកនាំរូបនេះ ត្រង់ចំណុចនេះ “ខ្ញុំមិនគិតថាវាអាចទៅរួចនោះទេ ទោះបីជាដូច្នេះក៏ដោយ ខ្ញុំឃើញឱកាសមួយសម្រាប់ប្រទេសចិន ដើម្បីធ្វើការវាយតម្លៃជាក់ស្តែងអំពីអ្វីដែលកំពុងកើតឡើងនៅទីនេះ ព្រោះប្រសិនបើពួកគេចងសម្ព័ន្ធភាពជាមួយរុស្ស៊ី នឹងមាន សង្គ្រាមលោកមួយ ហើយខ្ញុំពិតជាគិតថាក្រុងប៉េកាំងបានដឹងអំពីរឿងនោះ»។
ជាមួយគ្នានោះ នៅថ្ងៃដដែល អ្នកនាំពាក្យក្រសួងការបរទេសចិន លោក Wang Wenbin បាននិយាយថា ទីក្រុងវ៉ាស៊ីនតោន គ្មានសិទ្ធិប្រាប់ទីក្រុងប៉េកាំងអ្វីដែលត្រូវធ្វើអំពីវិបត្តិនៅអ៊ុយក្រែននោះទេ។
ដោយបញ្ជាក់ថា ខ្លួនជាអាមេរិក មិនមែនចិនទេ ដែលចាក់អាវុធចូលក្នុងជម្លោះ។ លោក Wang បាននិយាយថា “យើងនឹងមិនអត់ឱនចំពោះការចោទប្រកាន់ ឬសូម្បីតែការបង្ខិតបង្ខំ និងដាក់សម្ពាធពីទីក្រុងវ៉ាស៊ីនតោនប្រឆាំងនឹងទីក្រុងបេកាំង ក្នុងទំនាក់ទំនង ជាមួយទីក្រុងមូស្គូ” ។
អ្នកនាំពាក្យចិនក៏បានជំរុញឱ្យសហរដ្ឋអាមេរិកគិតឱ្យបានហ្មត់ចត់អំពីតួនាទីរបស់ខ្លួន ធ្វើអ្វីមួយដើម្បីជួយឱ្យស្ថានការណ៍ត្រជាក់ និងជំរុញការចរចា ហើយឈប់បន្ទោស និងផ្សព្វផ្សាយព័ត៌មានមិនពិត។
ស្តីពីបញ្ហាអ៊ុយក្រែន ទីក្រុងប៉េកាំងបញ្ជាក់ការគាំទ្ររបស់ខ្លួនចំពោះការចរចាសន្តិភាព ហើយនឹងបន្តឈរយ៉ាងរឹងមាំលើផ្នែកសន្តិភាព និងការសន្ទនា ហើយដើរតួនាទីស្ថាបនាក្នុងការបន្ធូរបន្ថយស្ថានការណ៍៕ ដោយធីរីណា

រូប​ថត​ : Adobe Stock