ព្រះសីហនុ៖ នៅស្នងការដ្ឋាននគរបាលខេត្តព្រះសីហនុកាលពីព្រឹកថ្ងៃទី២៨ខែកក្កដាឆ្នាំ២០១៥មានការផ្ទេរភារកិច្ច,តែងតាំងមុខតំណែងនិងបំពាក់សក្កិជូនមន្ត្រីនគរបាលខេត្តចំនួន៦២នាក់ដោយក្នុងនោះមានការផ្ទេរភារកិច្ចចំនួន៩នាក់,តែងតាំងមុខតំណែង៥៣នាក់និងតម្លើងឋានន្តរសក្កិចំនួន២៤នាក់ក្នុងនោះមានថ្នាក់វរះសេនីយ៍ទោចំនួន១នាក់,ថ្នាក់វរះសេនីយ៍ត្រីចំនួន២នាក់,ថ្នាក់អនុសេនីយ៍ឯក៣នាក់,ថ្នាក់អនុសេនីយ៍ទោចំនួន៥នាក់,ថ្នាក់អនុសេនីយ័ត្រីចំនួន៧នាក់,ថ្នាក់ព្រិនបាលឯកចំនួន៤នាក់និងថ្នាក់ព្រិនបាលទោចំនួន២នាក់។
លោកឧត្តមសេនីយ៍ឯក ដូង សារឿន អនុប្រធាននាយកដ្ឋានបុគ្គលិកអគ្គស្នងការនគរបាលជាតិនៃក្រសួងមហាផ្ទៃ,លោក សុខ ផន អភិបាលរងខេត្តព្រះសីហនុបានអញ្ជើញចូលរួមជាគណះអធិបតីក្នុងកម្មពីធីខាងលើនេះនិងក៏មានការអញ្ជើញចូលរួមពីសំណាក់លោក ឧត្តមសេនីយ៍និងវរះ
សេនីយ៍ប្រតិភូក្រសួង ,មន្ត្រីរាជការកងកម្លាំងប្រដាប់អាវុធគ្រប់លំដាប់ថ្នាក់ក្នុងខេត្តផងដែរ។
ថ្លែងនៅក្នុងកម្មពិធីខាងលើនេះលោក ឧត្តមសេនីយ៍ត្រី ជួន ណារិន្ទ ស្នងការនគរបាលខេត្តព្រះសីហនុបានថ្លែងថា ឆ្លើយតបនិងការគិតគូររបស់រាជរដ្ឋាភិបាល,ក្រសួងមហាផ្ទៃនិងអគ្គស្នងការនគរបាលជាតិជំនួសមុខឲ្យថា្នក់ដឹកនាំ នាយ,នាយរង,និងពលនគរបាលនៃស្នងការដ្ឋាននគរ
បាលខេត្តព្រះសីហនុផ្តេចជ្ញាអនុវត្តខ្ជាប់ខ្ជួននូវផែនការណែនាំដែលក្រសួងមហាផ្ទៃនិងអគ្គស្នងការនគរបាលជាតិបានដាក់ចុះ ដើម្បីត្រៀមខ្លួនជានិច្ចក្នុងការបំពេញភារកិច្ចបំរើជាតិមាតុភូមិនិងប្រជាពលរដ្ឋឲ្យកាន់តែមានប្រសិទ្ធភាពល្អថែមទៀតហើយសង្ឃឹមថា ក្រោយពីកម្មពិធីផ្ទេរសម្រួលភារកិច្ច,តែងតាំងមុខតំណែង,និងបំពាក់ឋានន្តរសកិ្ករួចហើយសមាជិកនៃអង្គពិធីទាំងមូលជាពិសេសនាយ,នាយរងនគរបាលនៃស្នងការដ្ឋាននគរបាលខេត្តព្រះសីហនុនិងរួមចំណែកយ៉ាងសកម្មក្នុងការបំរើជាតិមាតុភូមិកាន់តែល្អឡើងផងដែរ ។
លោកឧត្តមសេនីយ៍ឯក ដូង សារឿន ក៏ដូចលោក សុខ ផន អភិបាលរងខេត្តព្រះសីហនុបានផ្តាំផ្ញើដល់នាយ,នាយរងនគរបាលជំនាញក្នុងខេត្តព្រះសីហនុ ទាំងអស់ត្រូវយកចិត្តទុកដាក់ចំពោះការអនុវត្តច្បាប់ និងបទបញ្ជារផ្សេងៗរបស់ក្រសួងមហាផ្ទៃក៏ដូចរាជរដ្ឋាភិបាលកម្ពុជា ឲ្យបានដាច់
ខាតដើម្បីចូលរួមការពារសុវត្តិភាពដល់ពលរដ្ឋកម្ពុជានិងភ្ញៀវទេសចរជាតិនិងអន្តរជាតិដែលមានវត្តមានក្នុងទីក្រុងព្រះសីហនុ សព្វថ្ងៃឲ្យមានប្រសិទ្ធភាព កាន់តែប្រសើរឡើងនិងប្រកបដោយជោគជយ័ ដើម្បីឆ្លើយតបនិងក្រសួងមហាផ្ទៃក៏ដូចរាជរដ្ឋាភិបាលកម្ពុជា កាន់តែមានប្រសិទ្ធភាពខ្ពស់៕ដោយឆ្លាមសមុទ្រ
