កីឡាករ Franck Kessie រកបានគ្រាប់បាល់ឈ្នះចុងម៉ោង ខណៈដែល Barcelona បានផ្តួលក្រុម Real Madrid ដើម្បីនាំមុខរហូតដល់១២ពិន្ទុដាច់នៅ La Liga។ Real Madrid បាននាំមុខមុនក្នុងការប្រកួត El Clasico ខណៈដែលការបញ្ជូនបាល់របស់Vinicius Jr ត្រូវបានរារាំងដោយខ្សែការពារ Ronald Araujo របស់ Barcelona ហើយក៏ភ្លាត់ស្នៀតចូលទីខ្លួនឯង។

 Barcelona បានតាមស្មើនៅចុងតង់ទី១តាមរយៈការស៊ុតរបស់ Sergi Roberto បន្ទាប់ពីការប្រឹងប្រែងរបស់ Raphinha ត្រូវបានរារាំង។ ខ្សែបម្រើ Marco Asensio បាន ឃើញ ការ វាយ បក ចុង ម៉ោង សម្រាប់ Real ប៉ុន្តែត្រូវ បានរារាំង ដោយអ្នកចាំទី មុនពេល Kessie រក បាន គ្រាប់ បាល់ ឈ្នះ នៅ ម៉ោងនាទីទី៩០+២។ ក្រុមទាំងពីរនៅសល់ការប្រកួតលីកចំនួន១២ ហើយ Barca ស្ថិតក្នុងទីតាំងលេចធ្លោ ខណៈដែលពួកគេសម្លឹងរកការឈ្នះពានជាលើកដំបូងចាប់តាំងពីឆ្នាំ២០១៨–២០១៩។

 Roberto បាននិយាយថា “អ្នកមិនអាចនិយាយថា ជើងឯកចប់ទេ ប៉ុន្តែឥឡូវនេះយើងបានឆ្លងកាត់១២ពិន្ទុយ៉ាងច្បាស់ដូច្នេះវាពិបាកសម្រាប់ពួកគេ។ វាអាស្រ័យទៅលើពួកយើង ហើយនោះជារឿងសំខាន់បំផុត។ ខ្ញុំពិតជារីករាយដែលបានជួយក្រុមរកគ្រាប់បាល់បានវាជារឿងដ៏វិសេសនៅចុងបញ្ចប់ ហើយខ្ញុំរីករាយសម្រាប់ Franck ក្នុងការរកគ្រាប់បាល់បាន។ ការប្រកួតបានផ្លាស់ប្តូរនៅពេលដែលយើងគិតថា Asensio បានស៊ុតបញ្ចូលទី វាត្រូវបានកាត់ចេញជា offside ហើយយើងស៊ុតបញ្ចូលទី។ វាកាន់តែមានអារម្មណ៍ល្អនៅពេលដែលអ្នកឈ្នះជាមួយនឹងគ្រាប់បាល់ចុងម៉ោង ហើយវាពិតជាអស្ចារ្យណាស់ក្នុងការធ្វើដូច្នេះនៅចំពោះមុខអ្នកគាំទ្ររបស់យើង”។

 ម្ចាស់ជើងឯកអេស្ប៉ាញ Real Madrid បានចូលមកក្នុងការប្រកួតនេះដោយបានយកឈ្នះ Liverpool ក្នុងលទ្ធផល ១–០ កាលពីថ្ងៃពុធ ដើម្បីបញ្ចប់ការទទួលជ័យជម្នះសរុប ៦–២ ដើម្បីឈានទៅវគ្គ១/៤ ផ្តាច់ព្រ័ត្រនៃក្របខ័ណ្ឌ Champions League។ Karim Benzema ដែលបានស៊ុតបញ្ចូលទីទល់នឹងក្រុមហង្សក្រហម មានការស៊ុតដំបូងនៃការប្រកួតនៅនាទីបើកឆាក ប៉ុន្តែបានឃើញការខិតខំប្រឹងប្រែងរបស់គាត់ពីខាងក្រៅតំបន់ពិន័យដោយ Marc-Andre ter Stegen ។

 Real Madrid បាននាំមុខនៅនាទីទី៩ ប៉ុន្តែ Barcelona ដែលជាម្ចាស់ជើងឯកអេស្ប៉ាញ២៦សម័យបានស៊ុតបញ្ចូលទីបានប្រសើរជាងក្នុងតង់ទីមួយ។ ពេលនោះ Andreas Christensen មិនអាចចាប់យកឱកាសបានទេ ហើយ Raphinha មានការស៊ុតបាល់ពីចម្ងាយត្រូវសង្គ្រោះដោយ Courtois មុនពេល Roberto តាមស្មើនៅនាទីទី៤៥។

 រីឯខ្សែប្រយុទ្ថ Lewandowski ដែលជាអ្នកស៊ុតបញ្ចូលទីបានច្រើនជាងគេនៅ La Liga ជាមួយនឹងគ្រាប់បាល់១៥គ្រាប់ មានការស៊ុតបញ្ចូលទីចំគោលដៅមួយ មុនពេលដែលកីឡាករបម្រុង Rodrygo របស់ Real បានស៊ុតបាល់បញ្ចូលទីនៅចុងម្ខាងទៀតក្នុងការចូលរួមជាលើកដំបូងរបស់គាត់។ កីឡាករបម្រុង Kessie គឺជាវីរបុរសរបស់ Barcelona នៅនាទីទី៩០+២ ដោយបានបញ្ចប់ការស៊ុតបញ្ចូលទីយ៉ាងល្អពីការបញ្ជូនបាល់របស់ Alejandro Balde ។

 អ្នក ចាត់ ការ ក្លិប Barcelona លោក Xavi បាន និយាយ ថា “លីក មិន ត្រូវ បាន សម្រេច ទេ ប៉ុន្តែ វា ជា ការ ទទួល ជ័យ ជម្នះ ដ៏ធំ។ ខ្ញុំ គិត ថា យើង សម នឹង ទទួល បាន ជ័យ ជម្នះ ហើយ យើង ល្អ ជាង Real Madrid យើង បាន បង្កើត ឱកាស ច្រើន ជាង”។Barcelona នឹងធ្វើការប្រកួតបន្ទាប់នៅថ្ងៃទី១ ខែមេសា ជាមួយនឹងការប្រកួតក្រៅដីនៅ Elche មុនពេល Real Madrid ប៉ះ Real Valladolid នៅថ្ងៃបន្ទាប់ ៕ (រូបភាព ៖ BBC Sport)