ភ្នំពេញ៖ នៅព្រឹកថ្ងៃទី១៦ ខែមិថុនា ឆ្នាំ២០១៦ ក្រុមប្រឹក្សាខណ្ឌព្រែកព្នៅបានបើវេទិការ ផ្សព្វផ្សាយ​និងពិគ្រោះយោបល់របស់ក្រុមប្រឹក្សាខណ្ឌអាណត្តិទី២ នៅទីបរិវេណវត្តសំរោងកណ្ដាល ក្នុងសង្កាត់​សំរោងកណ្ដាល ខណ្ឌព្រែកព្នៅ មានការអញ្ជើញចូលរួមពីលោក ម៉ៅ បូរ៉ា  ប្រធានក្រុមប្រឹក្សាខណ្ឌ លោក សុខ សម្បត្តិ អភិបាលនៃគណៈអភិបាលខណ្ឌ និងមានការចូលរួមពីអាជ្ញាធរមូលដ្ឋាន សមត្ថកិច្ច ប្រជាពលរដ្ឋ ជាច្រើននាក់ ។

វេទិការនេះគឺអាជ្ញាធរបានធ្វើឡើងដើម្បីឲ្យមានការចូលរួមពីអាជ្ញាធរ សមត្ថកិច្ច ប្រជាពលរដ្ឋ បានពិគ្រោះ​យោបល់និងទទួលនូវដំណឹង សំណូមពរពីប្រជាពលរដ្ឋ ដើម្បីអនុវត្តគោលនយោបាយភូមិ-សង្កាត់មាន​សុវត្ថិភាព ប្រកបដោយប្រសិទ្ធិភាពលើវិធានការបង្ក្រាប ទប់ស្កាត់បទល្មើស រក្សាសន្តិសុខ សណ្ដាប់ធ្នាប់​ជូនប្រជាពលរដ្ឋតាមមូលដ្ឋាន៕

ដោយ៖ ព្រែកជ័យ