ភ្នំពេញ៖ ស្ត្រីម្នាក់បានដួលសន្លប់ស្តូកស្តឹងនៅលើផ្លូវហើយត្រូវបានប្រជាពលរដ្ឋនិងកម្លាំងសមត្ថកិច្ចអន្តរាគមន៍ខណ្ឌនាំគ្នាជួយសង្គ្រោះដោយសារតែគាត់មិនស្រួលខ្លួនងងឹតមុខ។

ហេតុការណ៍នេះបានកើតឡើងកាលពីវេលាម៉ោង៩ និង៣០នាទីព្រឹក ថ្ងៃទី១៨ ខែមិថុនាឆ្នាំ២០១៦ តាមបណ្តោយផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។

ប្រភពពីកន្លែងកើតហេតុបានអោយដឹងថា នៅមុនពេលកើតហេតុគេឃើញមានស្ត្រីម្នាក់កំពុងតែដួលសន្លាប់នៅចំណុចខាងលើដោយឃើញមានម៉ូតូ១គ្រឿងម៉ាកហុងដា សេ១២៥ ស៊េរីឆ្នាំ២០១២ ពណ៌ខ្មៅ ពាក់ស្លាកលេខភ្នំពេញ1AX-3436 ដោយឃើញដូចឆ្នេះប្រជាពលរដ្ឋក៏នាំគ្នាជួយលើកយកមកដាក់ក្បែរខាងមួយសន្ទុះក្រោយមកទើបស្ត្រីរងគ្រោះដឹងខ្លួន។

បើតាមស្ត្រីរងគ្រោះបានឲ្យដឹងថា មូលហេតុដែលគាត់ដួលគឺមកពីគាត់ងងឹតមុខក៏ដួលសន្លាប់រងរបួសបែកមុខបែកមាត់តែម្តង។
ក្រោយកើតហេតុក៏មានកម្លាំងអន្តរាគមន៍ដែលកំពុងធ្វើការល្បាតបានចុះមកជួយនិងប្រជាពលរដ្ឋដែលធ្វើដំណើរតាមផ្លូវនាំគ្នាជួទាក់ទនទៅបងប្អូនមកទទួលហៅម៉ូតូរ៉ឹម៉កដឹកយកទៅព្យាបាលនៅមន្ទីរពេទ្យព្រះកុសុមះ៕

ដោយ៖ តុង សីហា