ភ្នំពេញ៖ រសៀលថ្ងៃទី២០ ខែមិថុនា ឆ្នាំ២០១៦ លោកស្រីឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច

បានដឹកនាំប្រតិភូក្រសួង អញ្ជើញចូលរួមគោរពវិញ្ញាណក្ខន្ធសព អ្នកឧកញ៉ា ថេង ប៊ុនម៉ា អគ្គនាយកក្រុមហ៊ុន ថៃប៊ុនរ៉ុង ដែលបានទទួលមរណភាព កាលពីវេលាម៉ោង ១២ និង៤៥នាទីយប់រំលងអាធ្រាតចូលថ្ងៃទី១៧ ខែមិថុនា ឆ្នាំ២០១៦នេះ ដោយជរាពាធក្នុងជន្មាយុ៧៥ឆ្នាំ ហើយសពតម្កល់នៅគេហដ្ឋាន ស្ថិតនៅខាងក្រោយសណ្ឋាគារអ៉ិនធើខនទីណង់តាល់។

នាឱកាសនោះផងដែរលោកស្រីក៏បានចូលរួមរំលែកទុក្ខជាមួយក្រុមគ្រួសារ និងបានឧទ្ទិសបួងសួងដល់វិញ្ញាណក្ខន្ធរបស់សពអ្នកឧកញ៉ាបានទៅកាន់សុគតិភពកុំបីឃ្លៀងឃ្លាតឡើយ៕

ដោយ៖ សហការី