ខេត្តស្វាយរៀង:បន្ទាប់ពីមាន ករណីឃាតកម្មដ៏ឃោឃៅ ដោយជនសង្ស័យបានសម្លាប់នារីជាបុគ្គលិកកាស៊ីណូម្នាក់  នៅក្រុងបាវិតហើយបានរត់គេចខ្លួនរួចមក សមត្ថកិច្ច បានទទួល បទបញ្ជារ ផ្ទាល់ពីនាយឧត្តម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ  លោកឧត្តមសេនីយ៍ឯក មួង សុធា អគ្គស្នងការរងទទួលផែនយុតិធម៌ និងបញ្ជាដឹកនាំដោយ លោក ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ  និង

លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគបាលព្រហ្មទណ្ឌបានដឹកនាំកម្លាំង កាការិយាល័​ព្រហ្មទណ្ឌ​កម្រិត​ធ្ងន់​  និងដឹកនាំសហការជាមួយនគរបាលជំនាញព្រហ្មទណ្ឌនៃស្នងការដ្ឋាននគរបាល​រាជធានី​ភ្នំពេញ​ និង​ ស្នងការដ្ឋាននគរបាលខេត្ត​ស្វាយរៀង​ ស្នងការដ្ឋាននគរបាលខេត្តព្រះវិហារនិងមានការសម្របសម្រួលពី លោក ទី សុវិនថាល់ ព្រះរាជអាជ្ញាអមសាលាដំបូងព្រះវិហារ បានធ្វើការស្រាវជ្រាវរហូតឈានដល់ឃាត់ខ្លួនជនសង្ស័យនៅផ្ទះសំណាក់កូឡាប៣ ក្នុងស្រុកឆែប ខេត្តព្រះវិហារ

ខណះម្ចាស់ផ្ទះ បានរាយការណ៍មកថាមានបុរសម្នាក់បានលេបថ្នាំពុលនៅបន្ទប់ជួលរបស់ខ្លួន។

ការឃាត់ខ្លួននេះបានធ្វើឡើង នាវេលាម៉ោង១១យប់ថ្ងៃទី២០ ខែមេសា ឆ្នាំ២០២៣ស្ថិតនៅផ្ទះសំណាក់កូឡាប៣ ស្ថិតនៅភូមិកំពង់ស្រឡៅ ឃុំកំពង់សោឡៅមួយ ស្រុកឆែប ខេត្តព្រះវិហារ ។

យោងតាមសមត្ថកិច្ចនគរបាលបានអោយដឹងថាជនសង្ស័យមានឈ្មោះ ឡោ គង់ហួរ  ៤១ឆ្នាំ រស់នៅ

ភូមិត្រពាំងថ្លឹងសង្កាត់ចោមចៅខណ្ឌពោធ៏សែនជ័យរាជធានីភ្នំពេញ។

ប្រភពបន្តថា ក្រោយពេលកម្លាំងនគរបាលបានសហការជាមួយនឹងគ្រូពេទ្យចុះទៅដល់កន្លែងកើតហេតុ ខណះទៅដល់ឃើញ ស្រាប់តែឃើញ

ជនសង្ស័យ បានលេបថ្នាំសម្លាប់ខ្លួនទើបសមត្ថកិច្វប្រញាប់ប្រញាល បញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះវិហារភ្លាមៗផងដែរ។

គូររំលឹកឡើងវិញថា មានករណីភ្ញាក់ផ្អើលទាំងយប់ដល់ម្ចាស់ផ្ទះជួល​ បានរាយការណ៍ទៅសមត្ថកិច្ចមូលដ្ឋានបន្ទាប់ពីប្រទះឃើញនារីជាបុគ្គលិកកាស៊ីណូម្នាក់ដាច់ក្បាលនៅក្នុងបន្ទប់ទឹកដែលសង្ស័យជាករណីឃាតកម្មអារ.កសម្លាប់រួចឃាតកបានរត់គេចខ្លួនបាត់។

ហេតុការណ៍នេះបានកើតឡើងកាលពីវេលាម៉ោង០០និង៤០នាទីរំលងអធ្រាត្រឈានចូលថ្ងៃទី២០ ខែមេសា ឆ្នាំ២០២៣នៅចំណុចបន្ទប់ជួលផ្លូវកំពង់ស្ពាន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

ពាក់ពន្ធ័ករណីខាងលើនេះដែរលោកអែម សុវណ្ណារិទ្ធ អធិការនគរបាលក្រុងបាវិត​ បានឱ្យដឹងថា​ នារីរងគ្រោះមានឈ្មោះ ម៉ន ស្រីម៉ី ភេទស្រី អាយុ២៤ឆ្នាំ មុខរបរបុគ្គលិកកាស៊ីណូ DYNASTY មានស្រុកកំណើតនៅភូមិកណ្តាលក្រោម ឃុំបន្ទាយដែក ស្រុកកៀនស្វាយ ខេត្តកណ្តាល បច្ចុប្បន្នស្នាក់នៅបន្ទប់ជួលក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។