ភ្នំពេញ : មុននេះបន្តិច ! នារសៀលថ្ងៃទី៨ ខែឧសភា ឆ្នាំ២០២៣ លោកវរសេនីយ៍ត្រី នាយប៉ុស្ដិ៍នគរបាលរដ្ឋបាលប្រទះឡាង ខណ្ឌកំបូល នៃស្នងការដ្ឋាននគរបាលរាជធានីភ្នំពេញ បានទទួលមរណភាព ដោយជំងឺគាំងបេះដូង ។ នេះបើយោងតាមសេចក្តីជូនដំណឹង របស់អធិការដ្ឋាននគរបាលខណ្ឌកំបូល ។

សេចក្តីជូនដំណឹងរបស់អធិការដ្ឋាននគរបាលខណ្ឌកំបូល ចំពោះមរណ:ភាពរបស់លោកវរសេនីយ៍ត្រី ម៉ាច ហុង នាយប៉ុស្ដិ៍នគរបាលរដ្ឋបាលប្រទះឡាង ដែលបានទទួលមរណ:ភាព នៅថ្ងៃទី៨ ខែឧសភា ឆ្នាំ២០២៣ វេលាម៉ោង ១២:៤៥នាទី ដោយជម្ងឺគាំងបេះដូង។

ពេលនេះក្រុមគ្រួសារសព និងក្រុមការងារអធិការដ្ឋាននគរបាលនគរបាលខណ្ឌកំបូល កំពុងរៀបចំពិធីបុណ្យតាមប្រពៃណីជាតិ នៅក្នុងវត្តតាំងរនាម ផ្លូវបេតុង៤២ ភូមិតាំងរនាម សង្កាត់ប្រទះឡាង ខណ្ឌកំបូល រាជធានីភ្នំពេញ៕

ដោយ : សហការី