ក្លិបបាល់ទាត់ Real Madrid ដែលជា ម្ចាស់ជើងឯក Champions League បាន ប្រកាសថា ខ្លួនយល់ព្រមទិញខ្សែប្រយុទ្ធ អន្តរជាតិ
ខ្សែប្រយុទ្ធAlvaro Morata ត្រូវបានក្លិប Real Madrid លក់ទៅឲ្យក្រុម Juventus កាលពី២ឆ្នាំមុន ។ កីឡាករវ័យ២៣ឆ្នាំរូបនេះបានស៊ុតបាល់ចំនួន១២គ្រាប់ជួយឲ្យ ក្រុមសេះបង្កង់ឈ្នះជើងឯកអីុតាលី Serie A និងអុីតាលី Cup កាលពីរដូវកាលមុន។
សេចក្តីថ្លែងការណ៍របស់ក្លិប Real Madrid បានឲ្យដឹងថា Real Madrid បាន ជម្រាបប្រាប់ទៅកាន់ក្លិបJuventusហើយថានឹងទិញខ្សែប្រយុទ្ធ Alvaro Morata មក វិញហើយរូបគេអាចចូលរួមហ្វឹកហាត់ជា មួយនឹងក្រុមមុនបើករដូវកាលថ្មីក្រោមការដឹកនាំរបស់លោកZinedine Zidane ។
គួរបញ្ជាក់ថា ប្រសិនបើ Real Madrid ចង់ទិញកីឡាករ Alvaro Morata មកវិញ ពួកគេត្រូវចំណាយទឹកប្រាក់២៣លានអឺរ៉ូស្មើនឹង២៥,៩៥លានដុល្លារអាមេរិក ដោយ រូបគេមានកិច្ចសន្យានៅសល់រហូតដល់ ឆ្នាំ២០២០ ។
ខ្សែប្រយុទ្ធAlvaro Morataកំពុងតែមាន ភារកិច្ចជាមួយក្រុមជម្រើសជាតិអេស្ប៉ាញ ដើម្បីការពារតំណែងជើងឯកយូរ៉ូឆ្នាំ២០១៦ នេះ ៕
ដោយ៖ ដេវីត
