ខេត្តកំពង់ចាម៖ ស្រ្តីម្នាក់ដែលគេសង្ស័យថាជាឃាតករសម្លាប់ប្ដីខ្លួនឯងត្រូវបាន លោក ប៉ុក សុវណ្ណមុន្នី ចៅក្រមស៊ើបសួរសាលាដំបូងខេត្តកំពង់ចាម សម្រេច

ចេញដីកាបង្គាប់ឲ្យឃុំខ្លួន លេខ៣៧៥ ចុះថ្ងៃទី២២ ខែមិថុនា ឆ្នាំ២០១៦ ពីបទឃាតកម្ម។

សូមរំលឹកផងដែរថា នៅវេលាម៉ោង១រំលងអាធ្រាត្រឈានចូលថ្ងៃទី២១ ខែមិថុនា ឆ្នាំ២០១៦ ស្ត្រីឈ្មោះ អ៊ុក វ៉ា អាយុ៥៤ឆ្នាំ សញ្ញាតិខ្មែរ មុខរបរកសិករ មានទីកន្លែងកំណេីតភូមិបឹងទីង ឃុំទងត្រឡាច ស្រុកស្រីសន្ធរ ខេត្តកំពង់ចាម ត្រូវជាភរិយាជនរងគ្រោះ បានយកកាំបិតប័ុងតោកាប់ទៅលេីប្ដីឈ្មោះ យី យិុត អាយុ៥៣ឆ្នាំ ចំគុម្ពត្រចៀកខាងឆ្វេងចំនួន២កន្លែងបណ្តាលឲ្យស្លាប់មួយរំពេច។

បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម៕

ដោយ៖ វណ្ណះ