ភ្នំពេញ៖ មានករណីភ្ញាក់ផ្អើលមួយបានកើតឡើងកាលពីវេលាម៉ោង១០ និង៣០នាទីព្រឹកថ្ងៃទី២៣ ខែមិថុនា ឆ្នាំ២០១៦ នៅបណ្តោយ

ផ្លូវ៣៥២ សង្កាត់បឹងកេងកង១ ខណ្ឌចំការមន ខណៈកម្មករកាយដីបុកគ្រឹះដើម្បីសាងសង់ខុនដូ បែរជាប្រទះឃើញប្រអប់ដែកចំនួន៣ សង្ស័យថាលាក់ទុកនូវគ្រាប់ផ្ទុះ ទើបធ្វើឲ្យអាជ្ញាធរសមត្ថកិច្ចជាមួយនឹងអង្គភាពស៊ីម៉ាក់ ចុះមកត្រួតពិនិត្យដល់កន្លែងកើតហេតុ។

មន្ត្រីស៊ីម៉ាក់បានឲ្យដឹងថា ក្រោយពីធ្វើការពិនិត្យទៅលើប្រអប់ដែកទាំង៣ ដឹងថាមិនមែនជាគ្រាប់ផ្ទុះនោះទេ គឺជាដែកប្រភេទអេឡិចត្រូនិច ដែលមាននៅក្នុងអំឡុងឆ្នាំ១៩៨០ ដែលមិនបង្កបញ្ហាគ្រោះថ្នាក់ណាមួយនោះឡើយ៕

ដោយ៖ ស រស្មី