ខេត្តបន្ទាយមានជ័យៈ ពលរដ្ឋភ្ជួរដីចំការប្រទះឃើញគ្រាប់មីនមិនទាន់ផ្ទុះសល់ពីរសម័យសង្គាមចំនួន០៤គ្រាប់ កប់ក្នុងដីរាយការណ៍ជូនសមត្ថកិច្ចនៅវេលាម៉ោង០១និង២០នាទីរសៀល ថ្ងៃទី១០ ខែមិថុនា ឆ្នាំ២០២៣ នេះ។
សមត្ថកិច្ចមូលដ្ឋានប្រាប់ថា មានប្រជាពលរដ្ឋបានទៅភ្ជួរដីចំការដើម្បីដាំដំឡូងមី នៅចំណុចអូរកំបត់ ស្ថិតក្នុងភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ ប្រទះឃើញគ្រាប់យុទ្ធភ័ណ្ឌមិនទាន់ផ្ទុះប្រភេទ(មីន៦៩) កប់ក្នុងដីបន្សល់ទុកពីសម័យសង្រ្គាម រួចរាយការណ៍ជូននគរបាលប៉ុស្តិ៍រដ្ឋបាល ។
នគរបាលប៉ុស្តិ៍រដ្ឋបាលឃុំស្លក្រាម បានឲ្យដឹងថា តាមការរៀបរាប់ពីឈ្មោះម៉ៅ ចាន់ឡា ភេទប្រុសអាយុ ៣៧ឆ្នាំ  នៅភូមិកំណប់ ឃុំស្លក្រាម  ដីចំការនេះគឺគាត់ទើបជួលគេដាំដំឡូងមីនាឆ្នាំនេះ ហើយបានភ្ជួរដីប្រទះឃើញគ្រាប់យុទ្ធ    ភ័ណ្ឌមិនទាន់ផ្ទុះ ប្រភេទ(មីន៦៩) ចំនួន០៤គ្រាប់ ដែលកប់ក្នុងដីបន្សល់ទុកពីសម័យសង្រ្គាម បន្ទាប់មកក៏បានរាយការណ៍ជូនទៅនគរបាលប៉ុស្តិ៍ និងរាយការណ៍បន្តទៅមន្ត្រីជំនាញអង្គភាពហេឡូត្រាសដ៍យកទៅកំទេចចោល ៕ដោយ៖ វណ្ណា