ខេត្តកណ្ដាល៖ ករណីបុរសម្នាក់ខ្យល់គរដួលស្លាប់នៅក្រោមផ្ទះដោយសារតែគាត់បានហូបស្រានៅផ្ទះម្នាក់ឯងដោយ
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១២រំលងអធ្រាត្រឈានចូលថ្ងៃទី២៥ ខែមិថុនា ឆ្នាំ២០១៦ ស្ថិតនៅចំណុចភូមិកំពង់ស្វាយ២ ឃំុកំពង់ស្វាយ ស្រុកកៀនស្វាយ ខេត្តកណ្តាល។
ប្រភពពីកន្លែងកើតហេតុឲ្យដឹងថា ជនរងគ្រោះឈ្មោះ វ៉ាន់ ស៊ីថា អាយុ៥៤ឆ្នាំ មុខរបរកសិករ មានទីលំនៅក្នុងភូមិកំពង់ស្វាយ២ ឃំុកំពង់ស្វាយ ស្រុកកៀនស្វាយ ខេត្តកណ្តាល។
ប្រភពបន្តថា មុនកើតហេតុនៅវេលាម៉ោង៣រសៀលថ្ងៃទី២៤ ខែមិថុនា ឆ្នាំ២០១៦ ជនរងគ្រោះបានហូបស្រានៅក្នុងផ្ទះម្នាក់ឯងដោយមិនហូបបាយទើបបណ្ដាលឲ្យកើតខ្យល់គរដួលស្លាប់នៅក្រោមផ្ទះតែម្ដង ពេលនោះកូនប្រុសបង្កើតឈ្មោះ ផៃ វិចិត្រ អាយុ២០ឆ្នាំ បានមកពីរកត្រីវិញស្រាប់តែឃើញឪពុករបស់ខ្លួនដួលស្លាប់ក៏ស្រែកឲ្យអ្នកភូមិជួយ ។
ក្រោយកើតហេតុ រហូតមកដល់ថ្ងៃទី២៥ ខែមិថុនា ឆ្នាំ២០១៦ នៅវេលាម៉ោង១០ព្រឹកទើបរាយការណ៍ទៅផ្នែកជំនាញមកពិនិត្យឃើញថា សាកសពស្លាប់ដោយសារខ្យល់គរពិតប្រាកដមែន ក៏ប្រគល់សាកសព្វឲ្យក្រុមគ្រួសារធើ្វបុណ្យតាមប្រពៃណី៕
ដោយ៖ ជឺ តុងឡេង
