ភ្នំពេញ ៖ បុរសម្នាក់បានបេីករថយន្តម៉ាកធុនត្រាមួយគ្រឿងក្នុងល្បឿនលឿននិងមិនប្រយ័ត្នបានជ្រុលទៅបុករថយន្តកូរ៉េដឹកផ្លែឈេីពីក្រោយយ៉ាងពេញទំហឹងបណ្ដាលឱ្យរថយន្ដធុនត្រាខ្ទេចពីមុខមួយចំហៀងផ្នែកស្ដាំ ដោយបង្កឡេីងកាលពីវេលាម៉ោង ១២និង ៤០នាទីរំលងអាធ្រាតឈានចូលថ្ងៃទី០៨ខែកក្កដាឆ្នាំ២០២៣ស្ថិតនៅតាមបណ្ដោយផ្លូវម៉ៅសេទុងក្នុងសង្កាត់ផ្សារដើមគរ ខណ្ឌទួលគោក ។
តាមប្រភពពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តម៉ាកធុនត្រា ពណ៌ខ្មៅមួយគ្រឿងពាក់ផ្លាកលេខភ្នំពេញ 2AE-6266បើកបរដោយបុរសម្នាក់ធ្វើដំណើរតាមបណ្ដោយផ្លូវម៉ៅសេទុង ទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុខាងលើក៏បានជ្រុលទៅបុករថយន្តកូរ៉េដឹកផ្លែឈើ មួយគ្រឿងពណ៌សពាក់ផ្លាកលេខ ភ្នំពេញ2BN-0619 បើកដោយបុរសម្នាក់ធ្វេីដំណេីរពីមុខ ក៏ត្រូវរថយន្តធុនត្រាបុកចំពីក្រោយយ៉ាងពេញទំហឹងបណ្តាលឱ្យរថយន្តកូរ៉េខូចខាចខាតកាងតិចតួចនិងផ្លែឈើរអស់មួយចំនួន ។ ចំណែករថយន្តបង្កម៉ាកធុនត្រាខូចខាតមួយចំហៀងមុខផ្នែកខាងស្ដាំទាំងស្រុង សំណាងដែរមិនបង្កឲ្យមានគ្រោះថ្នាក់ដល់មនុស្ស។
ក្រោយកើតហេតុ សមត្ថកិច្ចមូលដ្ឋានប៉ុស្តិ៍នគរបាលរដ្ឋបាលសង្កាត់ផ្សារដើមគរ ចុះមកដល់រួចឲ្យភាគីទាំងសងខាងសម្រួលគ្នាមួយជំហាន ។ បន្ទាប់ពីសម្របសម្រួលគ្នាមួយសន្ទុះ ភាគីរថយន្តបង្កម៉ាកធុនត្រាព្រមទទួលកំហុស និងព្រមចេញជួសជុលទៅលើរថយន្តកូរ៉េដឹកផ្លែឈើ បញ្ចប់រឿងនៅនឹងកន្លែងកើតហេតុ៕
ដោយ ៖ ភារ៉ា ដង្កោ
