🔥អគ្គិភ័យឆាបឆេះផ្ទះពលរដ្ឋផ្អេីលដល់សមត្ថកិច្ចហៅក្រុមរថយន្តពន្លត់អគ្គិភ័យចុះអន្តរាគមន៍

ចែករំលែក៖

ភ្នំពេញ ៖ អុជទានធូបទុកចោល លេីផ្ទះរួចក៏ចុះមកក្រោមដោយមិនបានប្រុងប្រយ័ត្ន បណ្ដាលឱ្យភ្លេីងឆាបឆេះអាសនៈផ្អើលអស់ប្រជាពលរដ្ឋ ហៅរថយន្តពន្លត់អគ្គិភ័យមកជួយបាញ់ទឹកពន្លត់ទាន់ពេលវេលា បង្កអោយមានការភ្ញាក់ផ្អើលកាលពីវេលាម៉ោង៨និង១០នាទីយប់ ថ្ងៃទី២៣ ខែ កក្កដា ឆ្នាំ២០២៣ ស្ថិតនៅក្នុងភូមិព្រៃរឹង សង្កាត់ស្នោរ ខណ្ឌកំបូល។

ម្ចាស់ផ្ទះខាងលើមានឈ្មោះ អុន សុខគា ភេទស្រី អាយុ២១ឆ្នាំ មុខរបរលក់ដូរនៅផ្ទះ រស់នៅភូមិព្រៃរឹង សង្កាត់ស្នោ ខណ្ឌកំបូល មានឪពុកឈ្មោះ ស្វាយ អុល អាយុ៦៦ឆ្នាំ មុខរបរកសិករ និងម្តាយឈ្មោះ ឈួន ផាត អាយុ ៦៤ឆ្នាំ មុខរបរកសិករ។

តាមប្រភពព័ត៌មានពីបងប្អូនប្រជាពលរដ្ឋដែលមកជួយពន្លត់អគ្គិភ័យ បានឱ្យដឹងថា នៅមុនពេលកើតហេតុ ម្ចាស់ផ្ទះបានអុជធូបនៅអសនៈលេីផ្ទះជាន់ទី១ ហេីយបានចុះមកខាងក្រោមមួយសន្ទុះក្រោយមកស្រាប់តែ
ឃើញមានអណ្ដាតភ្លើងឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់បងប្អូនប្រជាពលរដ្ឋនិងរថយន្តពន្លត់អគ្គិភ័យមកអន្តរាគមន៍ភ្លាមៗ។

ប្រភពដដែលបន្តថា នៅពេលនោះផងដែរ មានបន្ទប់មួយដែលដាក់លុយកាក់ និងរបស់របរមានតម្លៃ ហើយត្រូវម្ចាស់ផ្ទះប្រាប់បងប្អូនអ្នកជិតខាងអោយជួយធាក់ទម្លុះទ្វារ ដើម្បីយកលុយកាក់ និងរបស់របរមានតម្លៃទាំងនោះបានភ្លាមៗ។ ចំណែកបងប្អូនប្រជាពលរដ្ឋមួយចំនួនទៀត ក៏បាននាំគ្នាដួសទឹកមកជួយពន្លត់ ដោយបងប្អូនប្រជាពលរដ្ឋខ្លះយកបំពង់ពន្លត់អគ្គិភ័យមកជួយបា.ញ់ពន្លត់ភ្លាមៗផងដែរ តែមិនទាន់រលត់នោះទេ ទើបបងប្អូនប្រជាពលរដ្ឋទាក់ទងទៅសមត្ថកិច្ចនគរបាលប៉ុស្តិ៍ភ្លាមៗ បន្ទាប់មកកម្លាំងសមត្ថកិច្ចនគរបាលប៉ុស្តិ៍បានទាក់ទងហៅរថយន្តពន្លត់អគ្គិភ័យ មកជួយអន្តរាគមន៍ទាន់ពេលវេលា។

ពាក់ព័ន្ធក្នុងហេតុការណ៍អគ្គិភ័យខាងលើនេះ អង្គភាពតម្រួតបទបញ្ជាចេញរថយន្តចំនួន២គ្រឿងជួយអន្តរាគមន៍បា.ញ់ទឹកពន្លត់អស់ចំនួន២រថយន្ដភ្លាមៗ។ ហើយប្រជាពលរដ្ឋនៅកន្លែងកើតហេតុ បានបញ្ជាក់ប្រាប់ថា ឪពុកម្ចាស់ផ្ទះ ខណៈពេលឃើញអគ្គិភ័យឆាបឆេះអាសនៈរបស់គាត់ ធ្វើអោយគាត់ភិតភ័យរហូតសន្ល.ប់បាត់មាត់បាត់.កតែម្តង និងត្រូវបានក្រុមគ្រួសារនាំយកទៅសង្គ្រោះភ្លាមៗផងដែរ។

បើតាមប្រភពព័ត៌មានពីលោកអនុភូមិ បាននិយាយប្រាប់ឱ្យដឹងដែរថា អគ្គិភ័យខាងលើនេះ គឺបណ្តាលមកពីទុស្សេខ្សែភ្លើង ទើបបណ្ដាលឆាបឆេះតែម្តង តែមិនមានឆេះធ្ងន់ធ្ងរនោះទេ។

...

ចំណែកប្រភពពីបងប្អូនប្រជាពលរដ្ឋដែលជួយពន្លត់អគ្គិភ័យវិញ ក៏បានលួចប្រាប់ថា អគ្គិភ័យខាងលើនេះ មិនមែនទុស្សេខ្សែភ្លើងនោះឡើយ គឺសង្ស័យការអុជទានធូប ព្រោះថា នៅពេលកំពុងឆាបឆេះនោះ ភ្លើងអគ្គិសនីមិនទាន់រលត់នៅឡើយ គឺភ្លើងឆេះធម្មតា៕ដោយ៖សុខាសែនជ័យ