ខ្សែប្រយុទ្ធ Lionel Messi រ បស់ក្លិប Barcelona បានប្រកាសលាឈប់ពីក្រុម ជម្រើសជាតិហើយបន្ទាប់ពីមិនអាចជួយ ក្រុមជម្រើសជាតិអាហ្សង់ទីនឈ្នះជើងឯកCopa America ឆ្នាំ២០១៦។

កីឡាករវ័យ២៩ឆ្នាំនេះបាននិយាយ ទាំងសោកស្តាយក្រោយចាញ់ឈីលីថា “សម្រាប់ខ្ញុំតួនាទីក្នុងក្រុមជម្រើសជាតិ គឺ ចប់ហើយ។ ខ្ញុំបានខិតខំអស់ពីអ្វីដែលខ្ញុំអាចធ្វើបាន។ ខ្ញុំបានលេងវគ្គផ្តាច់ព្រ័ត្រ ចំនួន៤ដងហើយ តែគ្មានសំណាងសោះ សម្រាប់ខ្ញុំ”។

ខ្សែប្រយុទ្ធ Lionel Messi ចូលរួមក្រុមអាហ្សង់ទីនឆ្លងទៅវគ្គផ្តាច់ព្រ័ត្រនៃកម្មវិធី ធំៗចំនួន៣ដងជាប់ៗគ្នាប៉ុន្តែស៊ុទ្ធតែបរាជ័យទាំងអស់ដោយចាញ់ក្រុមអាល្លឺម៉ង់នៅ World Cup ២០១៤ចាញ់ឈីលីនៅក្នុងឆ្នាំ ២០១៥ និង២០១៦នៃកម្មវិធី Copa America។ មិនត្រឹមតែប៉ុណ្ណោះ Messi ក៏ស្ថិតនៅក្នុងក្រុមជម្រើសជាតិអាហ្សង់ទីន ពេលប្រកួតចាញ់ក្រុមប្រេស៊ីលវគ្គផ្តាច់ ព្រ័ត្រ Copa America ឆ្នាំ២០០៧ផងដែរ ៕​

ដោយ៖ ដេវីត