ភ្នំពេញ៖ អ្នកប្រើប្រាស់គ្រឿងញៀន៥នាក់ត្រូវបានកម្លាំងអាវុធហត្ថរាជធានីភ្នំពេញចុះចាប់បង្ក្រាប កាលពីវេលាម៉ោង៣នាទីរសៀលថ្ងៃទី២៨ ខែមិថុនា ឆ្នាំ២០១៦ ស្ថិតនៅក្រុម១០ ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ក្នុងប្រតិបត្តិការខាងលើនេះដឹកនាំដោកលោក ប៉ាន់ សុភាព នាយការិយាល័យ និងដោយមានការសម្របសម្រួលពីលោក មាស ច័ន្ទពិសិដ្ឋ ព្រះជាអាជ្ញារងអមសាលាដំបូងរាជធានីភ្នំពេញផងដែល។
តាមសម្ដីកងរាជអាវុធហត្ថរាជធានីបានប្រាប់ថា មុនចុះបង្ក្រាបទីតាំងខាងលើគឺកម្លាំងជំនាញបានធ្វើតាមដាននិងការស្រាវជាយូរមកហើយទើបរសៀលនេះសមត្ថកិច្ចឆ្មក់ចុះទៅបង្ក្រាបជាក់ស្តែងឃាត់ខ្លួនជនសង្ស័យបានទាំង៥នាក់ខាងលើ និងចាប់យកវត្ថុតាងបាន ដាវសាមូរ៉ៃ១ដើម និងសម្ភារសម្រាប់ និងសេពគ្រឿងញៀនមួយចំនួនធំ។
បច្ចុប្បន្នជនសង្ស័យទាំង៥នាក់បន្ទាប់ពីឃាត់ខ្លួនបាននាំទៅធ្វើការសាកសួរនៅផ្នែកជំនាញកងរាជអាវុធហត្ថក្រុងភ្នំពេញដើម្បីកសាងសំណុំរឿងចាត់ការតាមនីតិវិធី ៕
ដោយ៖ តុង សីហា
