ភ្នំពេញ៖ គណៈបញ្ជាការឯកភាពខណ្ឌសែនសុខនិងសង្កាត់ភ្នំពេញថ្មីបានសហការណ៍គ្នាចុះបង្ក្រាបទីតាំងល្បែងតាមអ៊ីនធើណេត ឃាត់ខ្លួនមនុស្សដែលមកលេចចំនួន១២នាក់។

ការចុះបង្ក្រាបទីតាំងល្បែងតាមអ៊ីនធើណេតខាងលើនេះធ្វើឡើងកាលពីវេលាម៉ោង៣និង៣០នាទីរសៀលថ្ងៃទី២៩ ខែមិថុនា ឆ្នាំ២០១៦ នៅតាមបណ្ដោយផ្លូវ២៨គ្រួសារ ស្ថិតក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ។

ប្រភពពីសមត្ថកិច្ចឲ្យដឹងថា ការបង្ក្រាបនេះដែរសមត្ថកិច្ចបានចាប់យកកង់ ៧គ្រឿង, ម៉ូតូចំនួន ៦គ្រឿង និងឃាត់ខ្លួនមនុស្សចំនួន ១២នាក់ ក្នុងនោះមានក្មេងដែលមិនទាន់គ្រប់អាយុ ៩នាក់ផងដែរ៕

ដោយ៖ តុង សីហា