ខេត្តស្វាយរៀង: មានការភ្ញាក់ផ្អើលពីសំណាក់ក្រុមគ្រួសារខណៈប្រទះឃើញបុរសម្នាក់ចងកសម្លាប់ខ្លួនដោយយកក្រមាអំបោះចងកជាប់និងននងផ្ទះ។
ហេតុការណ៍នេះបានកើតឡើងកាលពីវេលាម៉ោង២និង១៥នាទីរសៀលថ្ងៃទី ១៧ខែសីហាឆ្នាំ២០២៣ស្ថិតក្នុងភូមិថ្មី
ឃុំអណ្ដូងពោធិ៍ ស្រុករមាសហែកខេត្តស្វាយរៀង។
យោងតាមសមត្ថកិច្ចនគរបាលស្រុកបានអោយដឹងថា បុរសដែលគិតខ្លីមានឈ្មោះ អ៊ុក ពៅ អាយុ២៩ឆ្នាំ រស់នៅភូមិថ្មី ឃុំអណ្ដូងពោធិ៍ ស្រុករមាសហែកខេត្តស្វាយរៀង។
សមត្ថកិច្ចបានបញ្ជាក់ថា តាមការស្រាវជ្រាវនិងការពិនិត្យកន្លែងកើតហេតុ ស្ដាប់ការបំភ្លឺរបស់ក្រុមគ្រួសារជនរងគ្រោះនិងការពិនិត្យសាកសពរបស់នគរបាលផ្នែកជំនាញនិងគ្រូពេទ្យនៃមន្ទីរពេទ្យបង្អែករមាសហែកបានបញ្ជាក់ថា ជនរងគ្រោះស្លាប់ដោយការធ្វើអត្តឃាតចងកសម្លាប់ខ្លួនដោយខ្លួនឯង
ដោយបានយកក្រមាអំបោះចងកជាប់
នឹងននងលើផ្ទះប្រាកដមែន ដោយមិនមានករណីផ្សេង ហើយនៅលើខ្លួនសាកសពពុំមានស្លាកស្នាមរបួសអ្វីនោះដែរ។
ក្រោយធ្វើការពិនិត្យចប់សព្វគ្រប់សមត្ថកិច្ចបានធ្ចើកំណត់ហេតុនិងបានប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕ 
ដោយ៖សុថាន
