ភ្នំពេញ ៖ រថយន្តស៊េរីទំនេីប Hilux Rally មួយគ្រឿង ដែលបេីកបរដោយបុរសម្នាក់សង្ស័យស្រវឹងស្រា បានបោះពួយយ៉ាងលឿន រួចរេចង្កូតបុកបង្គោលភ្លេីងបំភ្លឺផ្លូវ បណ្ដាលឲ្យរងការខូចខាតយ៉ាងដំណំ រីឯអ្នកបេីកបររងរបួសស្រាល ដោយបង្កឡេីងកាលពីវេលាម៉ោង ១២ និង០៥នាទី រំលងអធ្រាតឈានចូលថ្ងៃទី២០ ខែសីហា ឆ្នាំ២០២៣ នៅតាមបណ្ដោយផ្លូវជាតិលេខ១ ទល់មុខនិងវិទ្យាល័យច្បារអំពៅ ស្ថិតក្នុងសង្កាត់និរោធន៍ ខណ្ឌច្បារអំពៅ រាជធានីភ្នំពេញ ។
ប្រភពព័ត៍មានពីកន្លែងកេីតហេតុបានឲ្យដឹងថា នៅមុនពេលកេីតហេតុ គេបានឃេីញរថយន្តស៊េរីទំនេីបមួយគ្រឿង ម៉ាក Hilux Rally ពណ៍ស ពាក់ផ្លាកលេខ ភ្នំពេញ 2BU-6911 ធ្វេីដំណេីរតាមបណ្ដោយផ្លូវជាតិលេខ១ ទិសដៅពីកេីតទៅលិច ក្នុងល្បឿនលឿន លុះមកដល់ចំណុចកេីតហេតុស្រាប់តែរេចង្កូតជ្រុលទៅបុកបង្គោលភ្លេីងបំភ្លឺផ្លូវពេញទំហឹង បណ្ដាលឲ្យរថយន្តនិងបង្គោលភ្លេីងរងការខូចខាតយ៉ាងដំណំ ។ ភ្លាមនោះគេឃេីញបុរសម្នាក់ដែលជាតៃកុងរថយន្តបង្កបានបេីកទ្វាចុះពីរថយន្តទំនងជាស្រវឹងស្រា និងរបួសតិចតួចផងដែរ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ក៏បានទាក់ទងទៅខាងជំនាញចរាចរណ៍ឱ្យមកធ្វេីការវាស់វែង យករថយន្តបង្កទៅរក្សាទុកបណ្ដោះអាសន្ន រង់ចាំដោះស្រាយតាមនិតិវិធី ៕
ដោយ ៖ ភារ៉ា ដង្កោ
