ភ្នំពេញ៖ ស្ត្រីម្នាក់ត្រូវជនសង្ស័យម្នាក់ធ្វើសកម្មភាពវាយទ្រោមខ្លួនរួចយកម៉ូតូនិងទូរស័ព្ឋរួមទាំងប្រាក់ដែលនៅក្នុងកាបូប បានសម្រេច រួចជិះគេចខ្លួនបាត់។
ហេតុការណ៍នេះបានកើឡើងកាលពីវេលាម៉ោង២និង២០នាទីរំលងអាធ្រាតឈានចូលថ្ងៃទី៣០ ខែមិថុនា ឆ្នាំ២០១៦ នៅចំណុចខាងសាលា ពញ្ញាក្រែក តាមបណ្ដោយផ្លូវលេខ៩៣ ស្ថិតក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។
ស្ត្រីរងគ្រោះមានឈ្មោះហោម រតនា អាយុ៣៦ឆ្នាំ ស្នាក់នៅផ្ទះលេខ៥៧ ផ្លូវលេខ៩៣ ស្ថិតក្នុងសង្កាត់ទួលសង្កែ ខណ្ឌឬស្សីកែវ មុខរបរនៅផ្ទះ ។ហើយសំភារះដែលជនសង្ស័យប្លន់យកទៅមានម៉ូតូម៉ាកហង់ដាធូដេ ពណ៌ក្រហម គ្មានស្លាកលេខ ១គ្រឿង ទូរស័ព្ទ៣គ្រឿងនិងលុយ៥០$។
តាមសម្ដីស្ត្រីរងគ្រោះបានការរៀបរាប់ប្រាប់ឲ្យដឹងថា មុនពេលកើតហេតុគឺរូបគាត់បានចេញពីញុំអីជាមួយមិត្តភ័ក្ត្រនៅផ្សារសូរិយាម៉ល រួចហើយមិត្តភ័ក្ត្ររបស់គាត់ក៏បានជូនគាត់មកផ្ទះវិញ តែពេលជូនជិតដល់ក៏ត្រឡប់ទៅវិញ។ ស្ត្រីរងគ្រោះបានប្រាប់បន្តទៀតថា ក្រោយពីបែកគ្នាពីមិត្តភ័ក្ត្រ រូបគាត់ក៏ជិះម៉ូតូតែម្នាក់ឯងត្រឡប់មកផ្ទះ ខណះជិះជិតដល់ផ្ទះហើយនោះក៏ស្រាប់តែមានជនសង្ស័យម្នាក់បានដើរមកកាត់ពីមុខ ហើតក៏ឃាត់ស្ត្រីរងគ្រោះឲ្យឈប់រួចវាយរូបគាត់ឡើងទ្រោមខ្លួន បន្ទាប់មកជនសង្ស័យក៏បានលើកម៉ូតូរួមទាំងកាបូបលុយមានទាំងទូរស័ព្ឋចំនួន៣គ្រឿងថែមទៀត ហើយជិះគេចខ្លួនបាត់ស្រមោល។
ក្រោយកើតហេតុស្ត្រីរងគ្រោះត្រូវបានមិត្តភ័ក្ត្រជូនមកដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាល ទួលសង្កែ ដើម្បីឲ្យសមត្ថកិច្ចងាយស្រួលរកមុខសញ្ញាតាមចាប់ជនសង្ស័យយកមកផ្ដន្ទាទោសតាមនីតិវិធីច្បាប់៕
ដោយ៖ ព្រែកជ័យ
