ខេត្តបាត់ដំបង÷ សមត្តកិច្ចនគរបាលជំនាញក្រុងបាត់ដំបងឃាត់ខ្លួនជនសង្ស័យប្រុស

ស្រីចំនួន០៦នាក់កាលពីថ្ងៃច័ន្ទ៥កេីតខែស្រាពណ៍ឆ្នាំថោះ បញ្ចស័កព.ស.២៥៦៧ ត្រូវនឹងថ្ងៃទី២១ ខែសីហា ឆ្នាំ២០២៣វេលា ម៉ោង១៣និង២០នាទី នៅចំណុចភូមិអង់ សង្កាត់អូរចារក្រុងបាត់ដំបង ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាលប្រឆាំងគ្រឿងញៀនបានដឹកនាំកម្លាំងក្នុងការិយាល័យប្រឆាំងគ្រឿងញៀន នៃស្នងការដ្ឋានចុះប្រតិបត្តិការបង្ក្រាបបានករណីជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើស ជាក់ស្ដែង និងបានឃាត់ខ្លួនជនសង្ស័យបានចំនួន ០៦នាក់ ស្រី ០៣នាក់ និងវត្ថុតាងចាប់យកបាន រួមមានថ្នាំញៀនប្រភេទមេតំហ្វេតាខ័ន (ម៉ាទឹកកក ICE) ចំនួន ០២ថង់ ទម្ងន់ ១,៩៨ក្រាម (ទាំងសំបក) និងទូរស័ ព្ទដៃចំនួន ០៤គ្រឿង (ចាស់)ហើយថង់សម្រាប់រំលែកច្រកថ្នាំញៀនលក់ និងសម្ភារះសម្រាប់ប្រើប្រាស់ថ្នាំញៀនមួយចំនួន ។

សមត្តកិច្ចជំនាញបានបន្តថា÷ជនសង័្សយ ទាំង០៦នាក់និង វត្ថុតាង ត្រូវបានកម្លាំងសមត្តកិច្ចជំនាញកំពុងរៀបចំសំណុំរឿងបញ្ចូនទៅ សាលាដំបូងខេត្តចាត់ការតាម នីតិវិធី ច្បាប់៕ដោយ៖ស សារ៉េត