ខេត្តមណ្ឌលគិរី៖ កាលពីថ្ងៃទី១ ខែ កក្កដា ឆ្នាំ២០១៦ លោកសាយ សំអាល់ រដ្ឋមន្ត្រីក្រសួងបរិស្ថាន និងសហការីបាន អញ្ជើញចុះត្រួតពិនិត្យមើលស្ថានភាព និងតម្រូវការជាក់ស្តែងនៅតាមតំបន់ការពារ ធនធានធម្មជាតិ នៅខេត្តក្រចេះ និងខេត្ត មណ្ឌលគិរី ។ បេសកកម្មនេះក៏ដើម្បីពិនិត្យពិចារណារកដំណោះស្រាយសមស្រប ដើម្បីលើកកម្ពស់នៃការគ្រប់គ្រងការពារ និងអភិរក្សធនធានធម្មជាតិជីវចម្រុះ និងប្រព័ន្ធអេកូឡូហ្សុីនៅក្នុងតំបន់ការពារធម្មជាតិទាំងអស់ ។
នៅក្នុងឱកាសនោះលោករដ្ឋមន្ត្រី ក្រសួងបរិស្ថានមានប្រសាសន៍ថា ក្នុងនាម រាជរដ្ឋាភិបាលកម្ពុជា ក្រសួងបរិស្ថាន បេ្តជ្ញាចិត្ត ថែរក្សា អភិរក្ស ធនធានធម្ម ជាតិដែលមាននៅក្នុងតំបន់ ដែលត្រូវ ការពារ ។ លោករដ្ឋមន្ត្រីបន្តថា ដើម្បីការ ពារធនធានធម្មជាតិ ក៏ដូចជាអភិរក្សធនធានធម្មជាតិជីវចម្រុះត្រូវមានការចូលរួមពី អាជ្ញាធរមូលដ្ឋានគ្រប់លំដាប់ថ្នាក់ , មន្ត្រី ឧទ្យានុរក្ស,រដ្ឋបាលព្រៃឈើ, អង្គការ ពាក់ព័ន្ធ និងបងប្អូនសហគមន៍ សូមរួម គ្នាថែរក្សា ការពារព្រៃឈើ និងសត្វ ព្រៃទាំង អស់គ្នា ព្រោះកិច្ចការនេះមិនមែនជាភារ កិច្ចរបស់ក្រសួងបរិស្ថាន ឬរាជរដ្ឋាភិបាល តែមួយទេប៉ុន្តែវាជាភារកិច្ចរួមរបស់យើងទាំងអស់គ្នាដែលត្រូវរួមគ្នាធ្វើ ។
លោករដ្ឋមន្រ្តីក្រសួងបរិស្ថានក៏បាន បញ្ជាក់លើការច្របាច់បញ្ចូលគ្នាតំបន់ព្រៃ ការពាររបស់ក្រសួងបរិស្ថាន និងតំបន់ការ ពារទើបផ្ទេរពីក្រសួងកសិកម្មឲ្យមកឋិតនៅក្រោមការគ្រប់គ្រងរបស់ក្រសួងបរិស្ថាន វិញ ដោយពិគ្រោះយោបល់នៃការរៀបចំឲ្យមានលិខិតបទដ្ឋានគតិយុត្តិទាក់ទងនឹងការចូលរួមរបស់ប្រជាពលរដ្ឋលើការការ ពារព្រៃឈើ ។
លោករដ្ឋមន្រ្តីបានមានប្រសាសន៍ថា ការពង្រឹងរចនាសម្ព័ន្ធគ្រប់គ្រងបែងចែក តួនាទីភារកិច្ចឲ្យដាច់ពីគ្នារវាងស្ថាប័ន អភិរក្សនឹងស្ថាប័នអភិវឌ្ឍន៍ និងការ គ្រោងរៀបចំ របៀងជីវចម្រុះដើម្បីធានា ប្រសិទ្ធភាពការងារគ្រប់គ្រងធនធានធម្មជាតិ,ការអភិរក្សជីវចម្រុះនិងការអភិវឌ្ឍដោយចីរភាព ៕
ដោយ៖ ហេង សូរិយា
