ភ្នំពេញ​៖​ យុវជនសិស្សសាលាម្នាក់ជិះម៉ូតូជ្រុលបុកម៉ូតូហុងដាឌ្រីមពីក្រោយធ្វេីឱ្យម៉ូតូហុងដាជ្រុលទៅបុករថយន្តបាឡែនដែលចតស្ងៀមបណ្តាលឱ្យរងរបួស២នាក់ចំណែករថយន្តរងការខូចខាតយ៉ាងដំណំ។

ហេតុការណ៍​នេះបានកេីតឡេីងកាលពីវេលាម៉ោង១២និង២០នាទីរសៀល​ ថ្ងៃទី២៦​ ខែកញ្ញា​ ឆ្នាំ២០២៣​ នៅមុខអាកាសយានដ្ឋានរន្តរជាតិភ្នំពេញ​ តាមបណមតោយផ្លូវបេតុងកែងមហាវិថីសហព័ន្ធរុស្ស៊ី​ ភូមិព្រៃទា១​ សង្កាត់ចោមចៅទី៣​ ខណ្ឌពោធិ៍សែនជ័យ។

តាមប្រភពព័ត៌មានបានឱ្យដឹងថា​ មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីម​ ស៊េរីឆ្នាំ២០០៨​ ពណ៌ខ្មៅ​ ពាក់ស្លាកលេខភ្នំពេញ1U 6516 ធ្វេីដំណេីរឆ្លងមហាវិថីសហព័ន្ធរុស្ស៊ី​ ទៅជេីងខណៈឆ្លងចូលដល់ផ្លូវបេតុងស្រាប់តែមានយុវជនម្នាក់ជិះម៉ូតូម៉ាកធូដេ​ ពណ៌ខៀវ​ ពាក់ស្លាកលេខភ្នំពេញ1GQ 4834​ មកពីក្រោយជ្រុលបុកពេញទំហឹងធ្វេីឱ្យម៉ូតូហុងដាឌ្រីមជ្រុលទៅបុករថយន្តបាឡែនពណ៌ទឹកប្រាក់​ ពាក់ស្លាកលេខភ្នំពេញ​ 2G 8979 ដែលចតនៅចិញ្ចេីមផ្លូវចូលហូបបាយបណ្តាលឱ្យបុរសជិះម៉ូតូហុងដាឌ្រីមរងរបួសជេីងចំណែកម៉ូតូគៀបជាប់រថយន្តរងការខូចខាតយ៉ាងដំណំ។

ក្រោយកេីតហេតុម្ចាស់ម៉ូតូហុងដាសុំតែរួចខ្លួនដោយប្រគល់ទៅម្ចាស់ម៉ូតូធូដេចេញថ្លៃជួសជុលរថយន្ត៕ដោយ៖សុខាសែនជ័យ