ភ្នំពេញ ៖ សហព័ន្ធកីឡាតុងហ្គីលម៉ូដូ កម្ពុជាបានធ្វើសន្និបាតបូកសរុបការងារ ប្រចាំឆ្នាំរបស់ខ្លួន ដើម្បីលើកទិសដៅអនុ វត្តបន្តសម្រាប់ឆ្នាំ២០១៦-២០១៧ ដោយ មានវត្តមានគ្រូបង្វឹកកីឡាករកីឡាការិនី មកពី១៣ក្លិបសមាគមកីឡាតុងហ្គីលម៉ូដូ កម្ពុជានៅទូទាំងប្រទេសនារសៀលថ្ងៃទី៣ខែកក្កដា ឆ្នាំ២០១៦នៅអគារគណៈកម្មាធិការជាតិអូឡាំពិកកម្ពុជា ។

លោក ចំរើន សុផល អគ្គលេខាធិការសហព័ន្ធកីឡាតុងហ្គីលម៉ូដូកម្ពុជាបានឲ្យដឹងថានៅក្នុងអាណត្តិទី២នេះសហព័ន្ធ មានក្លិបសមាគមចំនួន១៣ និងមានសិស្សគុនបាននិងកំពុងធ្វើការហ្វឹកហាត់ប្រមាណ៥០០នាក់ ក្រោមការដឹកនាំរបស់គណៈ កម្មាធិការប្រតិបត្តិបានដំណើរការសកម្មភាពប្រកបដោយផ្លែផ្កានិងមានទំនាក់ទំនងល្អសាមគ្គីភាពខ្ពស់ អនុវត្តបេសកកម្មតាមផែនការមេសម្រាប់ឆ្នាំ២០២៣ឆ្ពោះទៅ សម្រេចគោលដៅនិងចក្ខុវិស័យរបស់ សហព័ន្ធ។

លោកបានបន្តទៀតថា ក្លិបទាំង១៣ នោះទី១. ក្លិបតុងហ្គីលម៉ូដូ មជ្ឈមណ្ឌល យុវជននៃការបង្រួបបង្រួមទី២. ក្លិប តុងហ្គីលម៉ូដូ អេស អិន ភី (ផ្អាកដំណើរ ការ)ទី៣. ក្លិបតុងហ្គីលម៉ូដូ ធី អ៊ិល ស៊ី ទី៤. ក្លិបតុងហ្គីលម៉ូដូ ភី អឹម អេស ទី៥. ក្លិបតុងហ្គីលម៉ូដូ បញ្ញាសាស្ត្រសុធារស ទី៦. ក្លិបតុងហ្គីលម៉ូដូ បញ្ញាសាស្ត្របឹង កេងកង ទី៧. ក្លិបតុងហ្គីលម៉ូដូបញ្ញ ាសាស្ត្រទួលគោក ទី៨. ក្លិបតុងហ្គីលម៉ូដូ មជ្ឈមណ្ឌលពន្លឺអនាគតកុមារ ទី៩. ក្លិបតុងហ្គីលម៉ូដូ សាន់វ៉ាលីទី១០. ក្លិបតុងហ្គីលម៉ូដូ សុវណ្ណកុមារ ទី១១. ក្លិបតុងហ្គីលម៉ូដូ ដូនពេញ ទី១២. ក្លិបតុងហ្គីលម៉ូដូ បញ្ញាសាស្ត្រសែនសុខ និងទី១៣. ក្លិបតុងហ្គីលម៉ូដូ Kent Ridge International School ។

លោកបញ្ជាក់ថា គណៈកម្មការបច្ចេកទេសរបស់សហព័ន្ធមានអាជ្ញាកណ្ដាលថ្នាក់ជាតិ២៣នាក់អាជ្ញាកណ្តាលថ្នាក់អន្តរជាតិជាតិ៥នាក់ក្នុងនោះមានលោក សំ សុខយី លោក ជា វណ្ណចាន់ត្រា លោក ហ៊ត់ វិចិត្រ លោក គឹម ឆាយវិឆ័យ កញ្ញា ម៉ាន់ ស៊ីម៉ា។ ដោយឡែក គ្រូបង្គោលអន្តរជាតិមាន៥នាក់គឺលោក សំ សុខយី លោក ជា វណ្ណចាន់ត្រា លោក ហ៊ត់ វិចិត្រ លោក គីម ឆាយវិឆ័យ និងកញ្ញា ម៉ាន់ ស៊ីម៉ា ៕

ដោយ៖ សារីម​​