ភ្នំពេញ ៖ បុរសម្នាក់បានបេីករថយន្ត High Lander មួយគ្រឿងយ៉ាងលឿន ខណៈដល់ផ្លូវកោងមិនប្រយ័ត្ន ក៏ជ្រុលចង្កូតឡេីងសួនពុះចែកទ្រូងផ្លូវនិងបុកគ្រិះបង្គោលភ្លេីងរងការខូចខាតយ៉ាងដំណំ តែក្នុងករណីនេះមិនមានអ្នករងរបួសនោះទេ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង៣ និង១៥នាទីទាបភ្លឺ ថ្ងៃទី១៧ ខែតុលា ឆ្នាំ២០២៣ ស្ថិតតាមបណ្ដោយផ្លូវOCIC សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។
តាមប្រភពព័ត៌មានបានឱ្យដឹងថា មុនកេីតហេតុ មានរថយន្តបង្កម៉ាក High Lander ពណ៌ទឹកប្រាក់ ពាក់ផ្លាកលេខ ភ្នំពេញ2O-1458 បានធ្វេីដំណេីរតាមបណ្ដោយផ្លូវOCIC ទិសដៅពីត្បូងមកជេីងក្នុងល្បឿនលឿន ខណៈមកដល់ចំណុចកេីតហេតុដោយស្ថានភាពផ្លូវកោងផង រីឯអ្នកបេីកបរមិនបង្អន់ល្បឿនផង ក៏ជ្រុលឡេីងសួនពុះចែកទ្រូងផ្លូវនិងបុកគ្រិះបង្គោលភ្លេីងឡេីងរបេីកគល់រងការខូចខាតយ៉ាងដំណំ តែក្នុងករណីនេះមិនបង្កគ្រោះថ្នាក់ដល់មនុស្សនោះឡេីយ។
ក្រោយកេីតហេតុ សមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលខណ្ឌជ្រោយចង្វារ បានចុះមកធ្វេីការវាស់វែងយករថយន្តបង្កទៅរក្សាទុកដេីម្បីរងចាំម្ចាស់ចូលខ្លួនដោះស្រាយតាមនីតិវិធីនាពេលក្រោយ ៕ 
ដោយ ៖ ភារ៉ា ដង្កោ
